05.06.2026 | 02:00
ՌԴ-ից մարդկանց ստիպելով բերում են իրենց օգտին քվեարկելու․ Փաշինյանը՝ «Ուժեղ Հայաստանի» մասին․ ՏԵՍՆՅՈՒԹ
Եվրո-2026․ Հայաստանի հավաքականը բաց թողեց հաղթանակը և փլեյ-օֆֆում կմրցի Խորվաթիայի հետ․ ՏԵՍԱՆՅՈՒԹ
29.01.2026 | 00:14
Ֆուտզալի Հայաստանի ազգային հավաքականն առանց պարտության ավարտեց Եվրոպայի առաջնության խմբային փուլը, որին մասնակցում է առաջին անգամ։
B խմբի երրորդ տուրում Ռուբեն Նազարեթյանի գլխավորած թիմը Լիտվայի Կաունաս քաղաքի «Ժալգիրիս Արենա» մարզապալատում մրցեց տանտերերի հավաքականի հետ ու հաղթանակը բաց թողեց վերջնամասում՝ 3։3։ Մինչև խաղի 34-րդ Հայաստանի հավաքականը հաղթում էր 3։1 հաշվով, սակայն Լիտվայի հավաքականը կարողացավ խփել երկու գոլ ու փրկել հանդիպումը։
Հայաստանի հավաքականի կազմում գոլի հեղինակ դարձան Դենիս Նևեդրովը, Միքայել Ղանդիլյանը և Վլադիմիր Սանոսյանը։
Հայաստանի հավաքականը 7 միավորով խմբում զբաղեցրեց առաջին տեղը և դուրս եկավ քառորդ եզրափակիչ, որտեղ կմրցի A խմբում երկրորդ տեղը գրաված Խորվաթիայի հավաքականի հետ։ Հանդիպումը կկայանա հունվարի 31-ին Կաունասի «Ժալգիրիս Արենայում»։ B խմբից երկրորդ տեղով փլեյ-օֆֆի ուղեգիր նվաճեց Ուկրաինայի հավաքականը, որը երրորդ տուրում 5։3 հաշվով հաղթեց չեխերին։
Հիշեցնենք, որ Լատվիայում, Լիտվայում և Սլովենիայում անցկացվող Եվրո-2026-ի նախորդ երկու խաղում հայ ֆուտզալիստները հաղթել էին 2024թ․ աշխարհի առաջնության բրոնզե մեդալակիր Ուկրաինայի (2:1) ու Չեխիայի (5։4) հավաքականներին։
