21.02.2026 | 10:06
ՀՀ տարածքում ավտոճանապարհները հիմնականում անցանելի են
Դավիթ Կարապետյանը ներկայացրել է Հարավային Կովկասում զարգացումները
Քաղաքականություն
28.01.2026 | 21:25
ՀՀ ԱԳՆ-ից հայտնում են, որ հունվարի 28-ին ՀՀ ԱԳՆ գլխավոր քարտուղար Դավիթ Կարապետյանը հանդիպում է ունեցել Լիտվայի առաջատար «Աշխարհաքաղաքականություն և անվտանգային հետազոտություններ» ուղեղային կենտրոնի գործադիր տնօրեն Լինաս Կոյալայի հետ:
«Հանդիպման ընթացքում կողմերը մտքեր են փոխանակել ընդհանուր հետաքրքրություն ներկայացնող տարածաշրջանային և գլոբալ աշխարհաքաղաքական զարգացումների շուրջ, ընդգծել են միջազգային արդյունավետ փոխգործակցության և ջանքերի համադրման կարևորությունը տարբեր տարածաշրջաններում անվտանգային մարտահրավերների հասցեագրման համար:
Դավիթ Կարապետյանը զրուցակցին է ներկայացրել Հարավային Կովկասում զարգացումները, հաստատված խաղաղության հետագա ինստիտուցիոնալացմանը, տարածաշրջանային փոխկապակցվածության զարգացմանը միտված ծրագերի կյանքի կոչման ուղղությամբ իրականացվող քայլերը՝ այդ համատեքստում առանձնանշելով «ԹՐԻՓՓ ուղի» նախագծի իրականացման շրջանակի ընդունումը:
Զրուցակիցները քննարկել են նաև «Երևանյան երկխոսություն» համաժողովի և ուղեղային կենտրոնի միջև համագործակցության հնարավորությունները»,- ասված է հաղորդագրությունում։
