18.08.2026 | 18:33
Ժամանակավորապես փակ կլինի Ներքին Չարբախից դեպի Դարակերտ բնակավայր տանող ճանապարհահատվածը
Հայաստանը՝ ԵՏՄ-ի դոնոր․ երբ վճարում ենք ավելին, քան ստանում
Տնտեսություն
28.01.2026 | 20:30
Հայաստանը շարունակում է ԵՏՄ-ի համար դոնոր լինել․ մեր երկիրն այս Միության պետությունների բյուջեներ ավելի շատ մաքսատուրք է փոխանցում, քան ստանում։
Ֆինանսների նախարարությունից Factor.am-ը պարզել է, որ 2025 թվականին Հայաստանը ԵՏՄ ընդհանուր «կաթսա» փոխանցել է 122,6 մլրդ դրամ, իսկ այդ երկրներից ստացել՝ 67,8 մլրդ դրամ։ Այսինքն՝ Հայաստանը վճարել է 1,8 անգամ ավելի շատ գումար։
Նկատենք, որ այս իրավիճակը սկսվել է ռուս-ուկրաինական պատերազմից հետո, երբ արևմտյան պատժամիջոցների ցուցակում հայտնված շատ ապրանքների ներկրումը Ռուսաստան սկսվեց իրականացվել Հայաստանի տարածքով։ Դրա պիկը գրանցվեց 2023 թվականին, հատկապես՝ ադամանդի վերարտահանման շնորհիվ։
Նշենք, որ 2020 թվականի հունվարի 1-ից ՀՀ պետական բյուջե է հաշվեգրվում երրորդ երկրներից Միության տարածք (Միության անդամ հանդիսացող ցանկացած պետություն) ներմուծվող ապրանքների մասով հաշվարկվող մաքսատուրքերի գումարի 1,22%-ը: Ռուսաստանի մասնաբաժինն ամենամեծն է՝ 85,065%, Ղազախստանը՝ 6,955%, Բելառուսը՝ 4,86%, Ղրղզստանը՝ 1,9%։
ԵԱՏՄ-Հայաստանի վճարած և ստացած մաքսատուրքերը
Գայանե Խաչատրյան
