28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
Թրամփը հայտարարել է՝ «մեկ այլ գեղեցիկ նավատորմ» է շարժվում դեպի Իրան
Քաղաքականություն
28.01.2026 | 12:42
ԱՄՆ նախագահ Դոնալդ Թրամփը հայտարարել է, որ մեկ այլ ամերիկյան ռազմական նավատորմ է մոտենում Իրանի ճանապարհին, գրում է DPA-ն։
«Այս պահին Իրանի ուղղությամբ լողում է ևս մեկ գեղեցիկ նավատորմ։ Այնպես որ՝ կտեսնենք։ Հուսով եմ՝ նրանք գործարք կկնքեն»,- Այովա նահանգում ունեցած ելույթում ասել է Թրամփը։
Հստակ չէ՝ արդյո՞ք Թրամփը նկատի է ունեցել USS Abraham Lincoln ավիակիրը և ուղեկցող ռազմանավերը, որոնք երկուշաբթի արդեն ժամանել են Մերձավոր Արևելք, թե՞ ԱՄՆ այլ ռազմական ուժերի մասին է խոսքը։
Միաժամանակ, ԱՄՆ զինված ուժերի պատասխանատու տարածաշրջանային հրամանատարությունը (CENTCOM) հայտարարել է Մերձավոր Արևելքում բազմօրյա ռազմաօդային զորավարժությունների մասին։
Վերջերս Թրամփը հրաժարվել էր բացառել ԱՄՆ-ի կողմից Իրանում ռազմական միջամտությունը՝ բողոքի ցույցերի բռնի ճնշման հետևանքով, որը, ըստ իրավապաշտպան խմբերի և ականատեսների, հանգեցրել է հազարավոր մարդկանց մահվան։
Axios-ին էլ տված հարցազրույցում Սպիտակ տան ղեկավարն ասել էր, որ Իրանը հետաքրքրված է ԱՄՆ-ի հետ լարվածության դիվանագիտական լուծմամբ։ Իրանի հետ իրավիճակը «փոփոխական» է, քանի որ ԱՄՆ-ը մեծ նավատորմ է ուղարկել տարածաշրջան, ասել էր Թրամփը։
Թարգմանությունը՝ Էմմա Չոբանյանի
