19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
Խարկովում գնացքի վրա ԱԹՍ-ների հարվածի հետևանքով 5 մարդ է զոհվել
Քաղաքականություն
28.01.2026 | 12:13
Ուկրաինական Խարկովի մարզում գնացքի վրա ռուսական անօդաչու թռչող սարքերի հարվածի հետևանքով 5 մարդ է զոհվել, հայտնել է մարզային դատախազությունը։ Եվս երկու մարդ վիրավորվել է, գրում է Current time-ը։
Ուկրաինայի նախագահ Վլադիմիր Զելենսկին գրել է, որ գնացքում, ընդհանուր առմամբ, ավելի քան 200 մարդ է եղել։ Նա ցավակցություն է հայտնել զոհերի ընտանիքներին։
Ուկրաինայի փոխվարչապետ Ալեքսեյ Կուլեբան սոցիալական ցանցերում գրել է, որ նախնական տեղեկություններով՝ Բարվինկովե-Լվով-Չոփ գնացքը հարձակման է ենթարկվել երեք «Շահեդ» տիպի անօդաչու թռչող սարքերով։ Դրանք հարվածել են շոգեքարշին և ուղևորատար վագոնին՝ հրդեհ առաջացնելով։
Կուլեբան ուղևորատար գնացքի վրա հարձակումն անվանել է «ռուսական ահաբեկչության ակտ քաղաքացիական անձանց նկատմամբ», երբ «ռազմական նպատակ չկար»։ Ռուսաստանի իշխանությունները հերքել են նմանատիպ մեղադրանքները պատերազմի ամբողջ ընթացքում։
Ուկրաինայի Դատախազությունը նախաքննություն է սկսել մարդկանց մահվան հանգեցրած ռազմական հանցագործության գործով (Ուկրաինայի քրեական օրենսգրքի 438-րդ հոդվածի 2-րդ մաս):
Թարգմանությունը՝ Էմմա Չոբանյանի
