Մելբուրնում շարունակվող թենիսի Ավստրալիայի բաց առաջնության տղամարդկանց մենախաղի կիսաեզրափակիչի առաջին զույգը կազմել են իսպանացի Կառլոս Ալկարասն ու Գերմանիան ներկայացնող Ալեքսանդր Զվերևը։
Աշխարհի առաջին ռակետ Ալկարասը քառորդ եզրափակիչում 7:5, 6:2, 6:1 հաշվով հաղթել է ավստրալացի Ալեքս դե Մինորին և կարիերայում առաջին անգամ դուրս եկել Australian Open-ի կիսաեզրափակիչ։
Աշխարհի երրորդ ռակետ Ալեքսանդր Զվերևը 4 սեթում ուժեղ է գտնվել ամերիկացի Լյոներ Թիենիից՝ 6:3, 6:7 (5:7), 6:1, 7:6 (7:3)։
Կիսաեզրափակիչի մյուս երկու ուղեգրերը կվիճարկվեն Լորենցո Մուզետի (Իտալիա) – Նովակ Ջոկովիչ (Սերբիա) և Յանիկ Սիներ (Իտալիա) – Բեն Շելթոն (ԱՄՆ) մրցախաղերում։ Australian Open-ի գործող չեմպիոնը Յանիկ Սիներն է։
