16.11.2024 | 12:34
Վահագն Խաչատուրյանը ԿԽՄԿ նախագահի հետ քննարկել է գերիներին և անհետ կորածների հարցեր
27 տարին լրացած և ծառայությունից խուսափած քաղաքացիները, մուծելով համապատասխան վճարը, կազատվեն քրեական հետապնդումից
08.11.2018 | 21:00
Կառավարության նոյեմբերի 8-ի նիստում գործադիրը հավանություն տվեց օրենքի խախտմամբ պարտադիր զինվորական ծառայություն չանցած քաղաքացիներին վերաբերող ՀՀ օրենքում փոփոխություններ կատարելու մասին որոշման նախագծին: Այդ փոփոխություններով առաջարկվում է ՀՀ օրենքի խախտմամբ պարտադիր զինվորական ծառայության զորակոչից խուսափած և 27 տարին լրացած ՀՀ քաղաքացիների նկատմամբ հարուցված քրեական հետապնդումը դադարեցնելու նպատակով երկարաձգել «Սահմանված կարգի խախտմամբ պարտադիր զինվորական ծառայություն չանցած քաղաքացիների մասին» ՀՀ օրենքի գործողության ժամկետը:
Ըստ նախագծի հիմնավորման՝օրենքի գործողության ժամկետի երկարաձգումը հնարավորություն է տալիս 27 տարին լրացած, պարտադիր զինվորական ծառայությունից խուսափած քաղաքացիներին սահմանված ժամկետում մուծել օրենքով սահմանված դրույքաչափերին համապատասխան վճարը, վերադառնալ Հայրենիք եւ ազատվել քրեական հետապնդումից:
