29.06.2026 | 12:03
Նորագյուղում գույքի փոխհատուցման չափը փոխվել է․ սեփականատերն իրավունք ունի ինքն ընտրել գնահատողին․ ՏԵՍԱՆՅՈՒԹ
«Ուրարտուի» նախկին ֆուտբոլիստն ընկել է պատուհանից ու մահացել
15.01.2026 | 11:12
Երևանի «Ուրարտուի» ռուսաստանցի պաշտպան Լայոնել Ադամսը մահացել է բարձրահարկ շենքի պատուհանից ընկնելու հետևանքով, հաղորդում է «Mash на спорте»-ն։
Դժբախտ պատահարը տեղի է ունեցել մերձմոսկովյան շենքերից մեկում։ Ադամսը հյուր էր գնացել նախկին ֆուտբոլիստ Տիմուր Մագոմեդովին։
Դեկտեմբերին Ադամսը և Մագոմեդովը ծեծկռտուքի էին մասնակցել մերձմոսկովյան գիշերային ակումբներից մեկում։ Ադամսը հրազենային վնասվածք էր ստացել ազդրի հատվածում ու հոսպիտալացվել։
Լայոնել Ադամսը Մոսկվայի ԲԿՄԱ-ի սան է։ Նա «Ուրարտուի» (նախկին «Բանանց») կազմում խաղացել է 2016-2017-ին, անցկացրել է 35 հանդիպում ու դարձել Հայաստանի գավաթակիր։ Հայաստանում պաշտպանը 2022-ին հանդես է եկել նաև Չարենցավանի «Վանում»։
«Ուրարտուի» ցավակցել է Լայոնել Ադամսի ընտանիքին և հարազատներին:
