30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
ՀՀ–ԱՄՆ համագործակցության օրակարգը՝ քննարկման կենտրոնում. ԱԳ նախարարի տեղակալը հանդիպել է ԱՄՆ պատվիրակությանը
Քաղաքականություն
14.01.2026 | 21:39
ՀՀ արտաքին գործերի նախարարի տեղակալ Ռոբերտ Աբիսողոմոնյանը հունվարի 14-ին ընդունել է Հայաստան պաշտոնական այցով ժամանած ԱՄՆ Առևտրի և զարգացման գործակալության տարածաշրջանային տնօրեն Կարլ Կրեսի գլխավորած պատվիրակությանը։
ԱԳՆ-ի փոխանցմամբ՝ հանդիպման ընթացքում զրուցակիցները քննարկել են 2025 թվականի օգոստոսի 8-ին Վաշինգտոնում կայացած խաղաղության գագաթնաժողովի շրջանակներում Հայաստանի Հանրապետության և Ամերիկայի Միացյալ Նահանգների միջև կնքված փոխըմբռնման հուշագրերի իրականացմանն ուղղված քայլերը։ Քննարկումները վերաբերել են մասնավորապես «ԹՐԻՓՓ» նախագծին, էներգետիկայի ոլորտում, ինչպես նաև հանքարդյունաբերության բնագավառում փոխգործակցության զարգացման հնարավորություններին։
«Կողմերը գոհունակությամբ արձանագրել են ձեռքբերված պայմանավորվածությունների իրականացման արդյունավետ ընթացքը։ Այդ համատեքստում նշվել է, որ հանդիպման նախօրեին՝ 2026 թվականի հունվարի 13-ին, ՀՀ արտաքին գործերի նախարար Արարատ Միրզոյանի և ԱՄՆ պետքարտուղար Մարկո Ռուբիոյի հանդիպման արդյունքներով հրապարակվել է «Թրամփի ուղի՝ հանուն միջազգային խաղաղության և բարգավաճման» (ԹՐԻՓՓ) նախագծի իրականացման շրջանակը։
Հանդիպման ընթացքում զրուցակիցները վերահաստատել են երկկողմ հանձնառությունը՝ ապահովելու փոխադարձ հետաքրքրություն ներկայացնող ոլորտներում համագործակցության շարունակական զարգացումն ու խորացումը»,- ասվում է հաղորդագրությունում։
