07.03.2026 | 12:16
Երուսաղեմում պայթյուն է որոտացել․ ԶԼՄ-ներ
ԱՄՆ-ը սառեցնում է 75 երկրների, այդ թվում՝ Հայաստանի, Ադրբեջանի, Ռուսաստանի քաղաքացիների համար վիզաների տրամադրումը
Քաղաքականություն
14.01.2026 | 19:37
ԱՄՆ Պետքարտուղարությունը դադարեցնում է 75 երկրների համար վիզաների բոլոր մշակումները։ Գերատեսչության մի հուշագիր, որին ծանոթացել է Fox News-ը, հյուպատոսական պաշտոնյաներին հրահանգում է մերժել վիզաները գործող օրենսդրության համաձայն, մինչ նախարարությունը վերանայում է ստուգման ընթացակարգերը։ Այդ երկրների թվում են Սոմալին, Ռուսաստանը, Աֆղանստանը, Բրազիլիան, Իրանը, Իրաքը, Եգիպտոսը, Նիգերիան, Թաիլանդը, Եմենը և այլն։
Դադարը կսկսվի հունվարի 21-ին և կշարունակվի անորոշ ժամանակով, մինչև նախարարությունը վերանայի վիզաների մշակման գործընթացը։
Նշվում է, որ 2025 թվականի նոյեմբերին Պետքարտուղարությունը հեռագիր է ուղարկել աշխարհի տարբեր երկրների հյուպատոսական հիմնարկներին՝ հրահանգելով նրանց պահպանել ներգաղթի մասին օրենքի, այսպես կոչված, «հանրային բեռի» դրույթի համաձայն նոր, համապարփակ ստուգման կանոնները։
Ուղեցույցները հյուպատոսական պաշտոնյաներին հրահանգում են մերժել վիզաների տրամադրումը այն դիմորդներին, որոնք համարվում են պետական նպաստներից կախված՝ հաշվի առնելով մի շարք գործոններ, այդ թվում՝ առողջական վիճակը, տարիքը, անգլերենի իմացությունը, ֆինանսական կարգավիճակը և նույնիսկ երկարատև բժշկական օգնության հնարավոր անհրաժեշտությունը։
«Պետքարտուղարությունը կօգտագործի իր երկարատև իրավասությունը՝ անհամապատասխան համարելու այն պոտենցիալ ներգաղթյալներին, որոնք կդառնան հանրային բեռ Միացյալ Նահանգների համար և կշահագործեն ամերիկացի ժողովրդի առատաձեռնությունը»,- հայտարարել է գերատեսչության խոսնակ Թոմի Փիգոթը։
Նա նշել է, որ այս 75 երկրներից ներգաղթը կդադարեցվի, մինչ Պետքարտուղարությունը վերանայի ներգաղթի գործընթացները՝ կանխելու համար այն օտարերկրյա քաղաքացիների մուտքը, ովքեր կարող են օգտվել սոցիալական նպաստներից և պետական աջակցությունից»։
Երկրների ցանկում են նաև Հայաստանը, Ադրբեջանը, ինչպես նաև Վրաստանը։
Թարգմանությունը՝ Էմմա Չոբանյանի
