03.04.2026 | 12:03
Ուլյանովսկի մարզում ուղևորատար գնացքի յոթ վագոն դուրս է եկել գծերից. կան տուժածներ
Ղրղզստանում առաջարկում են Վլադիմիր Սոլովյովին անցանկալի անձ հայտարարել
Քաղաքականություն
14.01.2026 | 18:44
Ղրղզստանում առաջարկել են ռուսաստանցի հեռուստահաղորդավար Վլադիմիր Սոլովյովին պերսոնա նոն գրատա՝ անցանկալի անձ հայտարարել։ Այս կարծիքը սոցիալական ցանցերում հայտնել է խորհրդարանի անդամ Դաստան Բեկեշևը, հաղորդում է Tengrinews.kz-ն։
Պատգամավորը նշել է, որ շատ լրագրողներ հետաքրքրված են Վլադիմիր Սոլովյովի՝ ռուսական հեռուստաալիքով արված հայտարարության վերաբերյալ իր կարծիքով։
«Ես կարդացի նրա հայտարարությունը։ Կարծում եմ, որ Արտաքին գործերի նախարարությունը պետք է կանչի Ղրղզստանում Ռուսաստանի դեսպանին, բողոքի նոտա հանձնի և, հնարավոր է, նրան անցանկալի անձ հայտարարի։ Նման անձին չպետք է թույլատրվի մուտք գործել Ղրղզստան»,- հավելել է Դաստան Բեկեշևը։
Ավելի վաղ Վլադիմիր Սոլովյովը իր հաղորդումներից մեկի ժամանակ կարծիք էր հայտնել, որ Ռուսաստանը, ինչպես Միացյալ Նահանգները Վենեսուելայում, պետք է «անտեսի միջազգային իրավունքը» և քննարկի Կենտրոնական Ասիայի հանրապետությունների ներքին գործերում ուժ կիրառելու հնարավորությունը, որպեսզի նրանք չհեռանան Ռուսաստանի «ազդեցության գոտուց»։
Հիշեցնենք, որ ՀՀ-ում Ռուսաստանի դեսպան Սերգեյ Կոպիրկինը կանչվել է Հայաստանի արտաքին գործերի նախարարություն՝ ռազմական գործողության հնարավորության մասին հաղորդավարի խոսքերից հետո:
Թարգմանությունը՝ Էմմա Չոբանյանի
