14.01.2026 | 12:52
«ԵՄ-ն պատրաստ է մասնակցել TRIPP-ին․ ակտիվ քննարկումներ են ընթանում»․ Վասիլիս Մարագոս․ ՏԵՍԱՆՅՈՒԹ
Թրամփի ուղին թույլ կտա իրացնել Հարավային Կովկասի ներուժը՝ զարկ տալով բարեկեցությանն ու անվտանգությանը ողջ տարածաշրջանում․ Մարկո Ռուբիո
Քաղաքականություն
14.01.2026 | 11:02
ԱՄՆ պետքարտուղար Մարկո Ռուբիոն ՀՀ ԱԳ նախարար Արարատ Միրզոյանի հետ հանդիպումից հետո սոցիալական ցանցի իր էջում գրառում է կատարել, որը թարգմանաբար ներկայացրել է ՀՀ-ում ԱՄն դեսպանությունը։
«Այսօր Հայաստանի արտգործնախարար Արարատ Միրզոյանը և ես հանդես եկանք «Թրամփի ուղի՝ հանուն միջազգային խաղաղության և բարգավաճման» նախագծի իրականացման շրջանակային փաստաթղթի մասին հայտարարությամբ։ Փաստաթղթի հիմքում 5 ամիս առաջ Հայաստանի և Ադրբեջանի միջև ԱՄՆ նախագահի հովանու ներքո տեղի ունեցած պատմական խաղաղության գագաթնաժողովում ստանձնած հանձնառություններ են։ Թրամփի ուղին թույլ կտա իրացնել Հարավային Կովկասի ներուժն առևտրի, տարանցման և էներգետիկ հոսքերի ասպարեզում՝ զարկ տալով բարեկեցությանն ու անվտանգությանը ողջ տարածաշրջանում»,- գրել է ԱՄՆ պետքարտուղարը։
Հիշեցնենք, որ նախօրեին ՀՀ ԱԳ նախարար Արարատ Միրզոյանը և ԱՄՆ պետքարտուղար Մարկո Ռուբիոն Վաշինգտոնում հաստատել են «Թրամփի ուղի՝ հանուն միջազգային խաղաղության և բարգավաճման» (TRIPP) ծրագրի համար Հայաստան-ԱՄՆ կենսագործման շրջանակի վերաբերյալ համատեղ հայտարարությունը:
