06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Վանդալիզմ է. մշակույթի նախարարը՝ Սանահին վանական համալիրի տարածքում տեղի ունեցածի մասին
20.07.2017 | 13:50
ՀՀ մշակույթի նախարար Արմեն Ամիրյանը վանդալիզմ է որակում Սանահին վանական համալիրին հարող տարածքում տեղի ունեցածը:
Factor.am-ը գրել էր, որ Սանահին վանական համալիրին հարող տարածքում՝ Զաքարյան իշխանների դամբարանի հարևանությամբ, օրեր առաջ երկու պատմական տապանաքարեր տեղահանվել ու դրանց տեղում նոր թաղում էր կազմակերպվել:
Մշակույթի նախարարն այսօր Կառավարության նիստից հետո լրագրողների հետ զրույցում ասաց, որ իրենք իրավական որևէ միջամտություն անելու իրավունք չունեն, ընդամենը կարող են նամակով դիմել համապատասխան մարմիններին՝ միջոցներ ձեռք առնելու համար։
Հիշեցնենք՝ Factor.am-ը երեկ անդրադարձել էր խնդրին՝ ներկայացնելով ճարտարապետ Ստեփան Նալբանդյանի ահազանգը, Սանահինի վանահայր Հայր Ավետիք Սողոմոնյանի մեկնաբանությունն ու ՀՀ մշակույթի նախարարության պատմության և մշակույթի հուշարձանների պահպանության գործակալության պետ Արմեն Աբրոյանի գնահատականը։
Մանրամասները՝ տեսանյութում:
Շողիկ Գալստյան
