20.05.2026 | 10:03
«Արսենալը» 22 տարի անց դարձել է Անգլիայի չեմպիոն․ ՏԵՍԱՆՅՈՒԹ
Ուկրաինական ԱԹՍ-ները հարձակվել են Ռոստովի վրա. զոհ և վիրավորներ, այդ թվում՝ երեխա. ՏԵՍԱՆՅՈՒԹ
Քաղաքականություն
14.01.2026 | 11:11
ՌԴ Դոնի Ռոստով քաղաքում հունվարի լույս 14-ի գիշերը ուկրաինական անօդաչու թռչող սարքի հարձակման հետևանքով մեկ մարդ զոհվել է, ևս չորսը, այդ թվում՝ չորս տարեկան երեխա, վիրավորվել է, հայտնել է շրջանի ղեկավար Յուրի Սլյուսարը, գրում է Meduza-ն։
Ըստ նրա՝ բոլոր վիրավորները տեղափոխվել են հիվանդանոց միջին ծանրության վիճակում։ Բացի այդ, փրկարարները մահացած տղամարդու են հայտնաբերել բարձրահարկ շենքի բնակարաններից մեկում, որը հրդեհվել է անօդաչուի հարվածից հետո։ Նրա ինքնությունը պարզվում է։
Սլյուսարը նշել է, որ օդային հարվածը հետ է մղվել մարզի 10 քաղաքներում և շրջաններում՝ Ռոստովում, Նովոչերկասկում, Վոլգոդոնսկում, Բոկովսկում, Կաշարսկիում, Միլլերովսկում, Մյասնիկովսկում, Միլյուտինսկում, Կամենսկիում և Ուստ-Դոնեցկի շրջաններում։
Ռոստովի արևմտյան արդյունաբերական գոտում հարձակման հետևանքով հրդեհվել են արդյունաբերական և պահեստային ձեռնարկությանը պատկանող շենքեր: Ռոստովի մարզի նահանգապետը հայտնել է նաև, որ Ֆակել այգեգործական համայնքում և Մյասնիկովսկի շրջանում երկու մասնավոր տուն է այրվել։
Ռուսաստանի պաշտպանության նախարարությունը պնդում է, որ ՀՕՊ ուժերը գիշերը «որսացել և ոչնչացրել են» ուկրաինական 48 անօդաչու թռչող սարք։ Նշվում է, որ ամենաշատ անօդաչուները՝ 25-ը, որսացել են Ռոստովի մարզի վրա։
Թարգմանությունը՝ Էմմա Չոբանյանի
