28.07.2026 | 20:27
Թրամփն ու Զելենսկին փակ հանդիպում են անցկացրել Սպիտակ տանը
Դաշյանը վերադարձել է «Փյունիկ», «Արարատ-Արմենիան» նոր պայմանագրեր է կնքել առանցքային խաղացողների հետ
13.01.2026 | 17:30
Հայաստանի ազգային հավաքականի կիսապաշտպան Արտակ Դաշյանը վերադարձել է Երևանի «Փյունիկ», հաղորդում է ակումբի մամուլի ծառայությունը։
36-ամյա ֆուտբոլիստն օրեր առաջ էր հեռացել «Նոայից»։ Դաշյանը 2024թ. ամռանն էր «Փյունիկից» տեղափոխվել «Նոա, որի կազմում անցկացրած 31 խաղում խփել է 1 գոլ, կատարել 5 ասիստ, իսկ նախորդ մրցաշրջանում դարձել է Հայաստանի չեմպիոն ու գավաթակիր։
«Փյունիկի» կազմում կիսապաշտպանը մասնակցել է 98 հանդիպման, դարձել 15 գոլի ու 4 գոլային փոխանցման հեղինակ։ Հայաստանի ազգային հավաքականի կազմում Արտակ Դաշյանը 27 խաղում խփել է 2 գոլ։
«Արարատ-Արմենիան» նոր պայմանագրեր է կնքել թիմի ավագ Արմեն Համբարձումյանի, Հայաստանի ազգային հավաքականի կիսապաշտպան Կարեն Մուրադյանի, պաշտպաններ Կամո Հովհաննիսյանի և Էդգար Գրիգորյանի հետ։
