10.09.2026 | 21:29
Քաղաքական խորհրդակցություններ՝ ՀՀ-ի և Լեհաստանի արտաքին գերատեսչությունների միջև
Արման Ծառուկյան․ Այդ օրը ոչ ոք չէր կարող կանգնեցնել ինձ
12.01.2026 | 22:53
UFC-ի թեթև քաշային կարգի դասակարգման առաջատար Արման Ծառուկյանը մեկնաբանել է Ֆլորիդայում կայացած RAF 05 (Real American Wrestling) ազատ ոճի ըմբշամարտի մրցաշարում PFL նախկին մարտիկ, 38-ամյա ամերիկացի Լենս Փալմերի նկատմամբ հաղթանակը։ Հայ մարտիկը հաղթել էր ժամկետից շուտ՝ առաջին մրցափուլում առավելության հասնելով 10։0 հաշվով։
«Հաղթեցի շատ հեշտ։ Ես այդպես էլ նախատեսել էի՝ հաղթել 10։0 հաշվով, քանի որ լավ էի պատրաստվել ու այդ օրը ոչ ոք չէր կանգնեցնի ինձ։
Ինձ շատ դուր եկավ հանդես գալ RAF-ում, կազմակերպիչները նույնպես հավանեցին, որ ես հանդես եկա այնտեղ։ Նրանք ցանկանում են առաջիկայում դարձյալ տեսնել ինձ իրենց մոտ։
Հուսով եմ՝ մրցակիցը կլինի ավելի հայտնի, օրինակ՝ Չենդլերը, Քոլբին։ Գուցե նրանք ավելի ուժեղ չեն իմ նախորդ մրցակցից, սակայն իմ հայպի համար անհրաժեշտ են մեծ անուններ։ Կարծում եմ՝ Չենդլերի հետ կանեմ նույնը, ինչ Լենսի դեպքում էր»,- թելեգրամյան ալիքում նշել է Արման Ծառուկյանը։
Հիշեցնենք, որ 29-ամյա Ծառուկյանը UFC-ում նախորդ մենամարտն անցկացրել է նոյեմբերի 22-ին՝ խեղդող հնարքով հաղթելով նորզելանդացի Դեն Հուկերին։ Հայ մարտիկը խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն։
