10.09.2026 | 21:29
Քաղաքական խորհրդակցություններ՝ ՀՀ-ի և Լեհաստանի արտաքին գերատեսչությունների միջև
Թուրքիայում զինվորականներ են ձերբակալվել
Քաղաքականություն
12.01.2026 | 22:29
Քսանմեկ կասկածյալ, այդ թվում՝ վեց գործող զինվորական է ձերբակալվել Թուրքիայի ցամաքային զորքերի հրամանատարության ներքո տրանսպորտային մրցույթներում խախտումների մեղադրանքով, գրում է Turkish Minute-ը։
Անկարայի գլխավոր դատախազության կողմից վերահսկվող հետաքննությունը պարզել է, որ ցամաքային ուժերի լոգիստիկայի հրամանատարության տրանսպորտի կառավարման բաժնում աշխատող անձնակազմը համագործակցել է մասնավոր կապալառուների հետ՝ անօրինական օգուտներ ստանալու համար։ Դատախազությունը նշում է, որ 2019-2024 թվականներին անցկացված 18 մրցույթների ժամանակ վճարային փաստաթղթերում տրանսպորտային միջոցների համարանիշները և վազքի տվյալները դիտավորյալ ուռճացվել են, ինչի հետևանքով կապալառուներին անհիմն վճարումներ են կատարվել և պետությանը ֆինանսական վնասներ են պատճառվել։
Պաշտպանության նախարարության աուդիտի խորհրդի կողմից անցկացված ստուգումը որոշել է, որ ենթադրյալ հանրային վնասը կազմել է 23,6 միլիոն թուրքական լիրա (547,000 դոլար):
Կասկածյալները ձերբակալվել են աճուրդային ընտրություններում կեղծիքների և կաշառակերության մեղադրանքներով: Հետաքննությունը շարունակվում է։
Թարգմանությունը՝ Էմմա Չոբանյանի
