29.10.2026 | 19:21
Արագածոտնի մարզի մի շարք բնակավայրերում գազանջատումներ կլինեն
Ադրբեջանն ու ԱՄՆ-ն քննարկել են TRIPP-ի զարգացման հեռանկարները
Քաղաքականություն
12.01.2026 | 17:10
Ադրբեջանի արտաքին գործերի փոխնախարար Էլնուր Մամեդովն ընդունել է ԱՄՆ Առևտրի և զարգացման գործակալության (USTDA) Մերձավոր Արևելքի, Հյուսիսային Աֆրիկայի, Եվրոպայի և Եվրասիայի տարածաշրջանային տնօրեն Կարլ Կրեսի գլխավորած պատվիրակությանը։
Ադրբեջանի ԱԳՆ-ն հաղորդում է, որ հանդիպման ընթացքում քննարկվել են երկու երկրների միջև էներգետիկայի, առևտրի, տարածաշրջանային կապերի, այդ թվում՝ TRIPP երթուղու, և տնտեսական ներդրումների ոլորտներում երկկողմ համագործակցության ներկա վիճակը։ Բացի այդ, քննարկումը կենտրոնացած էր ԱՄՆ մասնավոր հատվածի ներկայացուցիչներին Ադրբեջանում առկա համապատասխան ենթակառուցվածքային և լոգիստիկ հնարավորություններին, ինչպես նաև համագործակցության զարգացման հեռանկարներին ծանոթացնելու վրա։
Նշվում է, որ բարձր են գնահատվել անցյալ տարվա օգոստոսի 8-ին Վաշինգտոնում կայացած խաղաղության գագաթնաժողովից հետո՝ ռազմավարական գործընկերության խարտիայի նախապատրաստման շրջանակներում տեղի ունեցած երկկողմ շփումների և կոնկրետ թեմաների շուրջ քննարկումների արդյունքները։
Բացի այդ՝ հանդիպման ընթացքում մտքեր են փոխանակվել Ադրբեջանի կարևոր դերի վերաբերյալ տարածաշրջանային էներգետիկ անվտանգության ապահովման, վերականգնվող էներգիայի աղբյուրների զարգացման, Միջին միջանցքում առևտրային ուղիների դիվերսիֆիկացման, ինչպես նաև Ադրբեջանում բիզնեսի և ներդրումների զարգացման համար բարենպաստ պայմանների և նոր կապեր հաստատելու հնարավորությունների վերաբերյալ։
Թարգմանությունը՝ Էմմա Չոբանյանի
