21.01.2026 | 19:53
Եթե «Հայփոստի» հետևում Միշիկն էր կանգնած, ստացվում է՝ ես եմ իրեն փող տվել․ Փաշինյան. ՏԵՍԱՆՅՈՒԹ
Երբ բանակային ընկերս իմացավ, որ հայ եմ, ուշագնաց եղավ. Կարո Փայլանը՝ Թուրքիայում հայերի հանդեպ ատելություն սերմանելու մասին
Քաղաքականություն
07.11.2018 | 20:44
Երբ բանակային ընկերս իմացավ, որ հայ եմ, ուշագնաց եղավ. Կարո Փայլանը՝ Թուրքիայում հայերի հանդեպ ատելություն սերմանելու մասին
Թուրքական դպրոցներում պատմության դասերին հայերի նկատմամբ ատելություն է սերմանվում, և իրավիճակը շտկելու համար պետք է քայլեր ձեռնարկել: Ermenihaber-ի փոխանցմամբ՝ այս մասին ասել է Թուրքիայի քրդամետ «Ժողովուրդների դեմոկրատական կուսակցություն»-ից (ԺԴԿ-HDP) հայազգի պատգամավոր Կարո Փայլանը:
«Ես թուրքական պետական միջնակարգ դպրոց եմ հաճախել: Մի օր պատմության ուսուցիչը դասը պատմելիս հայտարարեց, որ «հայերը թուրքերին մեջքից հարվածել են»։ Այդ պահին ամբողջ դասարանը հայացքը սևեռեց իմ վրա։ Իսկ բանակային ընկերներից մեկը, երբ իմացավ, որ հայ եմ ուշագնաց եղավ: Ինձ նույնիսկ ասաց. «Անհնար է, որ դու հայ լինես, ախր դու լավ մարդ ես»: Սրա պատճառը այն է, որ նրան ամբողջ կյանքում հայերին սխալ են ներկայացրել: Ներկայացրել են որպես դավաճան, օտար և այլն»,- ասել է Կարո Փայլանը:
