15.02.2026 | 17:00
Վենեսուելայում գործողության ժամանակ ԱՄՆ-ն օգտագործել է Claude չաթբոտը. WSJ
Ադրբեջանում 6 ամսով կկրճատվի սպաների զինվորական ծառայության ժամկետը խաղաղ պայմաններում
Քաղաքականություն
12.01.2026 | 15:06
Ադրբեջանում պահեստազորից ծառայության զորակոչված կամ պայմանագրով զինվորական ծառայության կամավոր զորակոչվող սպաների համար խաղաղ ժամանակ զինվորական ծառայության ժամկետը կկրճատվի վեց ամսով։
Սա արտացոլված է Ադրբեջանի նախագահ Իլհամ Ալիևի կողմից հաստատված «Զինվորական ծառայության մասին» և «Զինվորական պարտականության և զինվորական ծառայության մասին» օրենքներում կատարված փոփոխություններում, գրում են տեղական լրատվամիջոցները։
Փաստաթղթի համաձայն՝ պահեստազորից զորակոչվածների և պայմանագրով կամավոր զորակոչվածների ծառայության ժամկետը կկազմի 1 տարի (որի ավարտին, կողմերի համաձայնությամբ, նրանք կտեղափոխվեն կանոնավոր սպայական կազմ), իսկ պայմանագրով ծառայության անցնող օտարերկրյա քաղաքացիների և քաղաքացիություն չունեցող անձանց համար՝ մինչև 3 տարի (ժամկետի ավարտին, կողմերի համաձայնությամբ, կկնքվի նոր պայմանագիր):
Թարգմանությունը՝ Էմմա Չոբանյանի
