09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Իրանում ինտերնետը վերականգնելու համար Թրամփը կխոսի Իլոն Մասկի հետ
Քաղաքականություն
12.01.2026 | 11:21
ԱՄՆ նախագահ Դոնալդ Թրամփը հայտարարել է, որ նախատեսում է խոսել միլիարդատեր ձեռնարկատեր Իլոն Մասկի հետ՝ Իրանում ինտերնետի վերականգնման առնչությամբ, որտեղ իշխանություններն անջատել են կապը շարունակվող հակակառավարական բողոքի ցույցերի պատճառով։ Այս մասին Սպիտակ տան ղեկավարն հայտարարությունն արել է նախօրեին՝ Air Force One ինքնաթիռում, գրում է DW-ի ռուսական ծառայությունը։
«Նա շատ լավ է այս տեսակի բաներում, շատ լավ ընկերություն ունի», – լրագրողներին ասել է Թրամփը, երբ նրան հարցրել են, թե արդյոք կհամագործակցի Մասկի SpaceX-ի հետ, որը մատակարարում է Իրանում օգտագործվող Starlink արբանյակային ինտերնետային ծառայությունը։
Ավելի վաղ հայտնել էինք, որ Իրանի կառավարությունը հինգշաբթի երեկոյան՝ հունվարի 8-ին, երկրում անջատել է ինտերնետը և միջազգային հեռախոսազանգերի հնարավորությունը, քանի որ Իրանի թագաժառանգ Ռեզա Փահլավիի կոչից հետո գիշերային ցույցի ժամանակ բազմաթիվ ցուցարարներ փողոցներ էին դուրս եկել, ինչպես նաև պատուհաններից կարգախոսներ բղավել։
