06.03.2026 | 23:30
ԱՄՆ կոնգրեսականները պահանջում են հետաքննել Վաշինգտոնում Ալիևի անվտանգության աշխատակիցների հետ կապված միջադեպը
Օդեսայում ռուսական հարձակման հետևանքով վնասվել է ենթակառուցվածքային օբյեկտ
Քաղաքականություն
12.01.2026 | 12:42
Օդեսայում հունվարի 12-ի գիշերը ռուսական հարձակման հետևանքով վնասվել է ենթակառուցվածքային օբյեկտ։ Պերեսիպ շրջանի մի մասը հոսանքազրկվել է, հայտնել է քաղաքի ռազմական վարչակազմի ղեկավար Սերգեյ Լիսակը, գրում է Current time-ը։
Նախնական տեղեկությունների համաձայն՝ երկու մարդ վիրավորվել է։ «Մինչ այժմ հայտնի է մեկ մասնավոր տան ավերման մասին։ Եվս չորսը վնասվել են», – գրել է նա։
Կիևում քաղաքապետ Վիտալի Կլիչկոյի խոսքով, անօդաչու թռչող սարքը հարվածել է Սոլոմյանսկի շրջանի ոչ բնակելի շենքին, ինչի հետևանքով հրդեհ է բռնկվել։ Նույն շրջանում անօդաչու թռչող սարքի բեկորներն ընկել են բնակելի շենքի մոտ. պայթյունի ալիքը կոտրել է պատուհանները և հրդեհ է բռնկվել։
Դնեպրոպետրովսկի մարզի Նիկոպոլի շրջանում մեկ տղամարդ վիրավորվել է։ Վնասվել է 9 մասնավոր տուն, օժանդակ շինություն, գազատար և էլեկտրահաղորդման գիծ, գրել է մարզային վարչակազմի ղեկավար Օլեգ Գանժան։
Ռուսական զորքերը հարձակվել են Ուկրաինայի վրա 156 անօդաչու թռչող սարքերով, խոցել կամ ճնշվել է դրանցից 135-ը։ Այս մասին հայտարարել է Ուկրաինայի ռազմաօդային ուժերը։
Թարգմանությունը՝ Էմմա Չոբանյանի
