27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Դժգոհ եմ վարչական շրջանների աշխատանքից. Ավինյան․ ՏԵՍԱՆՅՈՒԹ
Տնտեսություն
12.01.2026 | 10:20
Երևանի քաղաքապետ Տիգրան Ավինյանը 2026 թվականի առաջին գործակարգավարական խորհրդակցությանը դժգոհեց վարչական շրջանների ղեկավարների կատարած աշխատանքից։
«Առաջին հերթին, իմ կարծիքով, մենք բավարար չափով ջանք չենք գործադրել, որպեսզի մասնավոր տնտեսվարողները, ովքեր ունեն պարտականություն իրենց դիմացի հատվածներում ձնամաքրման աշխատանքներ իրականացնելու, այդ աշխատանքների մասին տեղեկացված լինեն։ Ինչո՞ւ չենք կատարել, ի՞նչն ա հիմքը, որ կարող եմ սա պնդել․ մենք ունենք վարչական շրջաններ, որտեղ բացարձակապես որևէ վարչական տուգանք էս հոդվածով չեն գրել էս շրջանում։ Դրանք 4-5-ն են։ Եվ դրան բացատրություն չկա»,- ասաց Ավինյանը։
Քաղաքապետը նաև մի իրավիճակ ներկայացրեց, երբ Կիևյան փողոցից եղբոր հետ դուրս է եկել և տնտեսվարողն իր խանութի դիմացի հատվածը մաքրելու համար գումար է ուզել։
«Այսինքն՝ այդ մարդը չգիտի, որ պարտավոր ա դա անել։ Ավագանու որոշմամբ մասնավոր տնտեսվարողները, ովքեր առաջնային գծում ունեն օբյեկտներ, հասարակական տարածքներ, բիզնես՝ պարտավոր են ձնամաքրման աշխատանքներին մասնակցել։ Պարտավոր են նաև համատիրությունները»,- ընդգծեց Տիգրան Ավինյանը։
Նիստը վարողը պահանջեց նաև գույքագրել, թե հավելյալ քանի տեխնիկա է անհրաժեշտ, որոնք կիրականացնեն նաև սանմաքրման աշխատանքներ։
Մանրամասները՝ տեսանյութում։
Արփի Հակոբյան
