10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
«Մանչեսթեր Սիթին» խփել է 10 գոլ ու կրկնել «Լիվերպուլի» ռեկորդը․ ՏԵՍԱՆՅՈՒԹ
11.01.2026 | 11:52
Անգլիայի գավաթի խաղարկության երրորդ շրջանում «Մանչեսթեր Սիթին» սեփական խաղադաշտում 10:1 հաշվով վստահ հաղթանակ է տարել Երրորդ լիգան ներկայացնող «Էքսեթեր Սիթիի» նկատմամբ։
Մանչեսթերցիների կազմում նորամուտն է նշել թիմի նորեկ, գանացի հարձակվող Անտուան Սեմենյոն, որը դարձել է գոլի ու գոլային փոխանցման հեղինակ։ Աչքի է ընկել նաև իսպանացի կիսապաշտպան Ռոդրին, որը նախորդ անգամ գոլ խփել էր 2024 թվականին։
OptaJoe-ի համաձայն՝ 1986 թվականից հետո «Մանչեսթեր Սիթին» Անգլիայի Պրեմիեր լիգան ներկայացնող առաջին ակումբն է, որը մեկ խաղում խփում է 10 և ավելի գոլ։ 1986-ին սեպտեմբերին «Լիվերպուլն» էր գավաթային խաղում 10 անպատասխան գնդակ ուղարկել «Ֆուլհեմի» դարպասը։
«Մանչեսթեր Սիթին» դուրս է եկել Անգլիայի գավաթի 1/16 եզրափակիչ, որտեղ մրցակիցը հայտնի կդառնա վիճակահանության արդյունքում։
