30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
Վստահ եմ՝ ծնկի կբերենք Իսլամական Հանրապետությանը. Իրանի գահընկեց արված շահի որդու կոչը
Քաղաքականություն
10.01.2026 | 19:57
Իրանի գահընկեց արված շահի որդին կոչ է արել ցուցարարներին անցնել իշխանության զավթմանը և խոստացել վերադառնալ երկիր:
«Վստահ եմ, որ ուժեղացնելով փողոցային ներկայությունը և միաժամանակ կտրելով ֆինանսական զարկերակները, մենք լիովին ծնկի կբերենք Իսլամական Հանրապետությանը և նրա մաշված փխրուն ճնշման ապարատը»,- x սոցիալական ցանցում դիմել է Ռեզա Փահլավին Իրանում զանգվածային ցույցերի մասնակիցներին:
Նա առանցքային ոլորտների՝ տրանսպորտի, նավթի, գազի և էներգետիկայի աշխատողներին կոչ է արել համընդհանուր գործադուլ սկսել, իսկ բոլոր քաղաքացիներին փողոց դուրս գալ ազգային խորհրդանիշներով, որպեսզի գրավեն և պահեն քաղաքների կենտրոնական շրջանները:
«Ես նույնպես պատրաստվում եմ վերադառնալ հայրենիք, որպեսզի լինեմ ձեզ հետ՝ Իրանի մեծ ժողովրդի հետ, երբ մեր ազգային հեղափոխությունը հաղթի։ Ես հավատում եմ, որ այդ օրն արդեն շատ մոտ է»,- հավելել է Փահլավին։
Իրանում բողոքի ակցիաները, որոնք պայմանավորված են ազգային արժույթի արժեզրկմամբ և գրեթե 50 տոկոս գնաճով պատժամիջոցների և Իսրայելի հետ պատերազմի հետևանքների ֆոնին, վերջին օրերին ընդգրկել են տասնյակ քաղաքներ: Իրավապաշտպանների տվյալներով ՝ զոհվել է առնվազն 65 մարդ, այդ թվում՝ անվտանգության ուժերի 15 աշխատակից և 50 ցուցարար, ձերբակալվել է 2300 ցուցարար:
Իսլամական հեղափոխության պահապանների կորպուսը խոստացել է հունվարի 10-ին ճնշել բոլոր ելույթները։ TASNIM գործակալությունը հայտնել է, որ Թեհրանից ոչ հեռու գտնվող Բահարեստան քաղաքում ձերբակալվել են ևս 100 «զինված ապստամբներ»: Ինչպես գրում է Reuters գործակալությունը՝ վկայակոչելով ականատեսին, Իրանի բանակը կրակ է բացել երկրի արևմուտքում ցուցարարների ուղղությամբ:
