14.07.2026 | 23:29
Հանրապետության որոշ հասցեներում էլեկտրամատակարարումը կդադարեցվի
«Երկրի վիճակը թող լավ լինի, խաղաղ ծառայեն». ձմեռային զորակոչ՝ կրճատված ժամկետով. ՏԵՍԱՆՅՈՒԹ
Հասարակություն
09.01.2026 | 20:34
Բանակ մեկնող զորակոչիկներին ճանապարհելու օրը ծնողների համար լի է հակասական զգացմունքներով՝ անհանգստություն, հուզմունք, բայց նաև հավատ ու հույս։ Ծնողները հպարտ են, որ որդիներին բանակ են ճանապարհում։
Զորակոչիկներից մեկի ծնողի խոսքով՝ ծառայության ժամկետի կրճատումը լավ է, բայց ամենակարևորը խաղաղ ծառայությունն է։
«Թող բոլոր զինվորներն առողջ գնան, առողջ էլ վերադառնան։ Աստված մեր երեխաներին պահի»,- հուզված նշում է նրանցից մեկը։
Մեկ այլ ծնող ընդգծում է՝ անհանգստությունն անխուսափելի է, սակայն ուրախ են, որ ծառայությունը մեկուկես տարի է լինելու։
Մեկն էլ նշում է, որ ծառայության տևողությունը երկրորդական է, եթե երկրում խաղաղ ու կայուն վիճակ լինի. «Կարևորը, որ մեր երեխաները գնան ծառայեն ու ուրախ վերադառնան տուն»։
Մանրամասները՝ տեսանյութում։
Արփի Հակոբյան
