18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
TRIPP-ը ներուժ ունի՝ ի շահ Հարավային Կովկասի զգալի տնտեսական հնարավորություններ բացելու. ՆԱՏՕ
Քաղաքականություն
09.01.2026 | 17:48
Հարավային Կովկասն ունի խոշոր տրանսպորտային հանգույց դառնալու ներուժ։ Սակայն այդ ներուժի իրացումը պահանջում է ժամանակակից ենթակառուցվածքների և իրական ինտերմոդալության զարգացում, որը կապահովի ապրանքների արդյունավետ փոխադրումը տարբեր փուլերում, տարբեր երկրների միջով և տարբեր աշխարհագրական պայմաններում։ Այս մասին ադրբեջանական APA-ին տված հարցազրույցում հայտարարել է Հարավային Կովկասում ՆԱՏՕ-ի գրասենյակի ղեկավար Ալեքսանդր Վիննիկովը։
Նրա խոսքով՝ օգոստոսի 8-ին Վաշինգտոնում ձեռք բերված համաձայնագիրը և դրա հետագա զարգացումները, այդ թվում՝ տարածաշրջանային կապի ցանցի ստեղծումը, որը հիմնականում միավորում է Ադրբեջանը, Հայաստանը և Թուրքիան, և ավելի լայն առումով Կենտրոնական Ասիան կապում է Եվրոպայի հետ, հստակորեն ցույց են տալիս նման հնարավորությունները։
«Միևնույն ժամանակ, անկախ նրանից, թե ինչպես են կոչվում այս նախաձեռնությունները, կարևոր է, որ դրանք իսկապես ծառայեն տարածաշրջանի երկրների շահերին։ Դրանք պետք է ստեղծեն պայմաններ տարածաշրջանային բոլոր դերակատարների տնտեսական և տարանցիկ ներուժի լիարժեք իրացման համար, ինչպես նաև նպաստեն խաղաղության և երկարաժամկետ կայունության կառուցմանը։ Այս սկզբունքները կազմում են TRIPP նախաձեռնության հիմքը և ունեն ներուժ՝ ամբողջ Հարավային Կովկասի տարածաշրջանի բարօրության համար զգալի տնտեսական հնարավորություններ բացելու համար»,- նշել է Վիննիկովը։
Թարգմանությունը՝ Էմմա Չոբանյանի
