18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
«12․7 միլիարդ դրամ են կանխատեսել ատոմակայանի համար որպես եկամուտ, որտեղից՝ Աստված գիտի»․ Դավիթ Ղազինյան
Քաղաքականություն
09.01.2026 | 13:29
«Նախորդ տարեվերջին Հանրային ծառայությունները կարգավորող հանձնաժողովը նիստ գումարեց և ինչպես կարգն է, ամեն տարի պետք է քննարկվի սակագնի փոփոխությունը։ Եվ հայտարարվեց, որ սպառողների համար սակագինը չի բարձրանում, բայց այստեղ կան մի քանի խնդիրներ, էներգոհամակարգի ամբողջ բալանսն ունի և՛ մինուսներ, և՛ պլյուսներ։ Այսինքն՝ ինչ-որ կազմակերպություններ ունենում են մինուսներ ֆինանսական, ինչ-որ կազմակերպություններ՝ պլյուսներ։ Հիմա հանձնաժողովի տված տեղեկանքով ստացվում է, որ մինուսներն ու պլյուսները կազմում են զրո-զրո»,-այս մասին հրավիրված մամուլի ասուլիսի ժամանակ հայտարարել է ՀԷՑ-ի նախկին գլխավոր տնօրենի պաշտոնակատար Դավիթ Ղազինյանը՝ հավելելով, որ մաթեմատիկական որևէ հաշվարկով չի կարող նման արդյունք լինել։
«Հաջորդ խնդիրը, որ ուզում եմ բարձրաձայնեմ, ատոմակայանի համար նախատեսվել է որպես կանխատեսվող այլ ֆինանսական եկամուտ 12,7 միլիարդ դրամ, որտեղի՞ց, Աստված գիտի։ Այն պարագայում, որ այս տարի ատոմակայանը կանգնելու է 150 օր, և կանխատեսվել է 12,7 միլիարդ դրամ այլ ֆինանսական եկամուտ։ Իսկ նախորդ տարի կանգնել է 30-ից 45 օր, բայց նախատեսված է եղել ընդամենը 189 միլիոն դրամ այլ ֆինանսական եկամուտ»,-նշեց նա։
Ղազինյանի խոսքով՝ պետությունը պետք է պատասխանի նաև, թե Երևան ՋԷԿ-ի և ԲԷՑ-ի ֆինանսական, վարկային պարտավորությունները, որ այս տարի պետք է փակվեին, սակայն վճարումները հետաձգվել են, և այս պայմաններում, երբ գա մարելու ժամանակը, ինչ են անելու․ «Կամ պետք է պետությունը սուբսիդավորի, որպեսզի վարկային պարտավորությունները փակվի, կամ սակագինը թանկանա։ Այլ տարբերակ, չգիտեմ, թե ինչպես պետք է այդպիսի ֆինանսական օգուտով աշխատի, որ կարողանա այդ ամբողջը փակի»։
