10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Առաջիկա և հետագա բոլոր կիրակիներին կմասնակցեմ սուրբ և անմահ պատարագի, նախապես չեմ ասի՝ որտեղ. Փաշինյան
09.01.2026 | 10:22
ՀՀ վարչապետ Նիկոլ Փաշինյանն իր ֆեյսբուքյան էջում տեսանյութ է հրապարակել և հայտնել, որ առաջիկա և հետագա բոլոր կիրակիներին կմասնակցի սուրբ և անմահ պատարագի։
«Իհարկե, բացառություն կլինեն բոլոր այն դեպքերը, երբ կա աշխատանքային կամ այլ անհաղթահարելի պատճառ: Եվ երկրորդը՝ չեմ հայտարարի, թե որտեղ եմ մասնակցելու պատարագի։ Ինչո՞ւ։ Որովհետև կարծում եմ, որ Հայաստանյայց Առաքելական Սուրբ եկեղեցու բարենորոգման կողմնակիցները պետք է պատարագի մասնակցեն բոլոր եկեղեցիներում և քրիստոնեական սիրով ու համոզչականությամբ խոսեն, քննարկեն քահանաների հետ, որպեսզի նրանք Սուրբ և անմահ պատարագի ընթացքում չհիշատակեն Կտրիճ Ներսիսյանի անունը։ Սա, կարծում եմ, բարենորոգման կողմնակիցների առաջիկա ամենակարևոր անելիքը պետք է լինի։ Կրկին, ընդգծում եմ, քրիստոնեական սիրով, հանդուրժողականությամբ, քրիստոնեական համոզչականության ուժը օգտագործելով»,- մասնավորապես ասում է ՀՀ վարչապետը։
Հիշեցնենք, որ տևական ժամանակ է, ինչ խզված է պետություն-եկեղեցի կապը։ ՀՀ վարչապետ Նիկոլ Փաշինյանը տաղավար տոներին չի մասնակցում բոլոր այն պատարագներին, որոնց պատարագիչը Գարեգին Բ կաթողիկոսն է։
Ավելին, Փաշինյանը նախաձեռնել է եկեղեցու բարենորոգման ճանապարհային քարտեզ, ստեղծել Հայաստանյայց Առաքելական Սուրբ Եկեղեցու բարենորոգման խորհուրդ, և խորհուրդը օրերս գումարել է իր առաջին նիստը։
