Սիրիայի ՊՆ-ն հայտարարել է Հալեպում հրադադարի մասին

Լուրեր

21.11.2026 | 11:55
Նարեկ Մկրտչյանը հանդիպել է ԱՄՆ Կոնգրեսի Ներկայացուցիչների պալատի երեք անդամների հետ
21.11.2026 | 11:42
Total Chess. Հայկ Մարտիրոսյանը հաղթել է վերջին խաղային օրը
21.11.2026 | 11:33
Նավթի գները նվազել են
21.11.2026 | 11:11
Արտարժույթների փոխարժեքները՝ նոյեմբերի 21-ի դրությամբ
21.11.2026 | 10:50
Նարեկ Մկրտչյանը մասնակցել է Մելանիա Թրամփի վավերագրական շարքի համաշխարհային պրեմիերային
21.11.2026 | 10:25
Ամփոփիչ մրցաշարում հայտնի են կիսաեզրափակիչի զույգերը. ՏԵՍԱՆՅՈՒԹ
21.11.2026 | 10:15
ՀՀ տարածքում ավտոճանապարհները հիմնականում անցանելի են
21.11.2026 | 09:30
Դավիթ Սիմոնյանը հաղթել է նոկաուտով ու մեդալ ապահովել Մ-23 ԵԱ-ում. ՏԵՍԱՆՅՈՒԹ
21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
20.11.2026 | 23:13
Հայաստանն ու Ալբանիան քննարկվել են տնտեսական համագործակցության խորացման հեռանկարները
20.11.2026 | 23:00
Լոռու մարզում գազանջատումներ կլինեն
20.11.2026 | 22:47
Թուրքական արտադրության Kizilelma անօդաչու կործանիչն աշխարհում առաջինն է անցել զինվորական ծառայության
20.11.2026 | 22:33
Վաղարշապատի կամրջի հարակից ճանապարհահատվածը ժամանակավորապես փակ կլինի երթևեկության համար
20.11.2026 | 22:19
Բաքուն հայտնում է ահաբեկչական կազմակերպության անդամ Ադրբեջանի քաղաքացիների ձերբակալության մասին
Բոլորը

Սիրիայի պաշտպանության նախարարությունը ուրբաթ հայտարարել է Հալեպում հրադադարի մասին՝ բանակի և քուրդ զինյալների միջև մի քանի օր տևած մահացու բախումներից հետո, որոնք հազարավոր խաղաղ բնակիչների ստիպել են փախչել իրենց տներից, գրում է France 24-ը։

Սիրիական կառավարական ուժերը երեքշաբթի օրվանից ի վեր կռվում են ԱՄՆ-ի կողմից աջակցվող քրդերի գլխավորած «Սիրիական ժողովրդավարական ուժերի» (SDF) դեմ երկրի երկրորդ քաղաքում։ Բռնության հետևանքով առնվազն 21 մարդ է զոհվել, այդ թվում՝ քաղաքացիական անձինք։

«Բնակելի թաղամասերում նոր ռազմական էսկալացիան կանխելու համար Պաշտպանության նախարարությունը հայտարարում է Հալեպի Շեյխ Մաքսուդ, Աշրաֆիե և Բանի Զեյդ թաղամասերի մոտակայքում հրադադարի մասին, որն ուժի մեջ է մտնում ժամը 3:00-ից»,- ասվում է ՊՆ հայտարարության մեջ։

Սիրիայի ՊՆ-ն նշում է, որ նպատակն է՝ մարտերի պատճառով տեղահանված քաղաքացիական անձինք հնարավորություն տալ «վերադառնալ և վերսկսել իրենց բնականոն կյանքը անվտանգության և կայունության մթնոլորտում»։

Հալեպի նահանգապետ Ազզամ Ալղարիբը պետական SANA լրատվական գործակալությանը հայտնել է, որ ստուգել է Աշրաֆիե թաղամասում անվտանգության միջոցառումները։

Քրդական ուժերի կողմից կառավարության հայտարարությունների վերաբերյալ անհապաղ մեկնաբանություններ չեն եղել։

AFP-ի թղթակիցը հայտնել է, որ քրդաբնակ Աշրաֆիե և Շեյխ Մաքսուդ շրջաններում մինչև հինգշաբթի գիշերը կատաղի մարտեր են ընթացել։ Սիրիայի զինվորականները հրահանգել էին այդ թաղամասերի քաղաքացիներին լքել տարածքը մարդասիրական միջանցքներով՝ նախքան գործողությունը սկսելը։ Պետական ​​հեռուստատեսությունը հայտնել է, որ մոտ 16,000 մարդ փախել է։

Մազլում Աբդին, որը ղեկավարում է SDF-ը, ասել է, որ քրդական տարածքների վրա հարձակումները «խաթարում են փոխըմբռնման հասնելու հնարավորությունները», մի քանի օր անց այն բանից հետո, երբ նա այցելել էր Դամասկոս՝ մարտ ամսվա ինտեգրման համաձայնագրի շուրջ բանակցությունների համար։

Համաձայնագիրը նախատեսված էր իրականացնել անցյալ տարի, սակայն տարաձայնությունները, այդ թվում՝ քրդերի ապակենտրոն կառավարման պահանջները, խոչընդոտել են առաջընթացը։

Թուրքիան էլ, որը Սիրիայի հետ ունի 900 կիլոմետրանոց սահման, սկսել է հաջորդական հարձակողական գործողություններ՝ քրդական ուժերին սահմանից դուրս մղելու համար։

Թարգմանությունը՝ Էմմա Չոբանյանի