18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
Թուրքիայի շրջաններում սաստիկ փոթորիկ է. ՏԵՍԱՆՅՈՒԹ
Քաղաքականություն
08.01.2026 | 19:19
Ստամբուլում ուժեղ հարավային քամի (լոդոս) է փչում, որը ծովում հսկայական ալիքներ է առաջացնում, տանիքներ պոկում և ծառեր արմատախիլ անում։ Թուզլայում, ըստ հաղորդումների, փոթորկի պատճառով մի քանի նավակներ են խորտակվել։ Օդերևութաբանական ծառայությունը մի քանի օր առաջ զգուշացրել էր Ստամբուլին սպառնացող ուժեղ փոթորկի մասին՝ զգուշացնելով քաղաքացիներին հնարավոր ռիսկերի մասին:
Հարավային քամին հասել է ժամում շորջ 120 կիլոմետր արագության, մասնավորապես, Ստամբուլի Սև ծովի ափին: Այն մոտեցել է փոթորկի մակարդակին․ քամու արագությունը Բոֆորտի սանդղակով հասել է 11 բալանոց մակարդակի:
Առավոտից ուժգնացող անբարենպաստ եղանակային պայմանները բացասաբար են ազդել քաղաքի կյանքի վրա։ AKOM-ը (Ստամբուլի քաղաքապետարանի աղետների համակարգման կենտրոն) և նահանգապետարանը զգուշացրել են քաղաքացիներին, հատկապես, Ստամբուլի եվրոպական մասում բնակվողներին, խուսափել դրսում լինելուց, եթե խիստ անհրաժեշտ չէ:
Ուժեղ քամիների և փոթորիկների պատճառով Ստամբուլի և Բուրսայի միջև ծովային երթևեկությունը, ինչպես նաև Ստամբուլի ներսում լաստանավային հաղորդակցությունը ժամանակավորապես դադարեցվել է՝ որպես նախազգուշական միջոց:
Թարգմանությունը՝ Էմմա Չոբանյանի
