10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Դա մենք կանենք անցնցում․ Փաշինյանը՝ Գարեգին Բ-ին հեռացնելու ծրագրերի մասին. ՏԵՍԱՆՅՈՒԹ
Քաղաքականություն
08.01.2026 | 14:32
«Ասում եք, որ Կտրիճ Ներսիսյանը հեռանալու մտադրություն չունի, մենք պատրաստվում ենք այնպես անել, որ ինքը իր մտադրությունը փոխի»,- լրագրողների հետ ճեպազրույցի ընթացքում նշեց վարչապետ Նիկոլ Փաշինյանը։
Նա հիշեց 2018-ի հեղափոխությունը, ընդգծեց՝ Սերժ Սարգսյանն էլ հեռանալու մտադրություն չուներ, բայց ստիպված էր հեռանալ։
«Մենք դա կանենք անցնցում, քրիստոնեական հանդուրժողականությամբ և սիրով տոգորված։ Եվ այն դեպքերում, դուք նկատել եք, այնտեղ, որտեղ ես հետահայաց ինքնահայեցվել եմ և տեսել եմ, որ մենք այդ քրիստոնեության, քրիստոնեական հանդուրժողականության և սիրո ուղուց շեղվել ենք, ես դրա համար հրապարակային ներողություն եմ խնդրել, պատասխանատվություն եմ կրել, և այդ թվում, արդեն բազմիցս Հայաստանյայց Առաքելական Սուրբ Եկեղեցու խորանի առաջ ծնկի եմ գալիս և ներում եմ հայցում իմ մեղքերի համար»,- նշեց Փաշինյանը։
Նրա խոսքով՝ եթե իր կամ այլոց արարքներում լինեն քրեական պատասխանատվության կամ Քրեական օրենսգրքի արձագանքի ենթակա արարքներ, ապա դրանք կտրվեն։
«Որևէ օրենքում գրված չի, որ իրավապահ մարմինները տենց տեղ կա, որ չեն կարող մտնել, կամ իրավապահ մարմինների մտնելու կարգ գոյություն չունի։ Այդ ամեն ինչը տեղի է ունենում օրենքով սահմանված կարգով։ Եվ ի՞նչ, որևէ մեկը ուզում է ասի, որ Հայաստանի Հանրապետությունում կա տարածք, որտեղ Հայաստանի Հանրապետության օրենքը չի գործում։ Ո՛չ, ես համաձայն չեմ այդ ձևակերպման հետ»,- նշեց նա։
Մանրամասները՝ տեսանյութում։
