10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Արման Ծառուկյան․ Վերջապես գտա սպարինգ-մրցակից, որը կօգնի պատրաստվել Տոպուրիայի դեմ․ ՏԵՍԱՆՅՈՒԹ
08.01.2026 | 13:29
UFC-ի թեթև քաշային կարգի դասակարգման առաջատար Արման Ծառուկյանը վերադարձել է ԱՄՆ և սկսել պատրաստվել առաջիկա մենամարտին։
Հայ մարտիկը սոցցանցերում հրապարակել է մարզումային տեսանյութ ու կատարել գրառում։
«Վերջապես գտա սպարինգ-մրցակից, որը կօգնի ինձ պատրաստվել Իլյա Տոպուրիայի դեմ։ Ո՞վ է ասել, որ ես չեմ կարող կրկնակի անցում կատարել մրցակցի կարճ ոտքին»,- գրել է Ծառուկյանը։
Արման Ծառուկյանը պատրաստվում է հունվարի 10-ին Ֆլորիդայում կայանալիք RAF 05 (Real American Wrestling) մրցաշարին, որի ընթացքում ազատ ոճի ըմբշամարտի գոտեմարտ կանցկացնի PFL նախկին մարտիկ, 38-ամյա ամերիկացի Լենս Փալմերի հետ։
29-ամյա Ծառուկյանը UFC-ում նախորդ մենամարտն անցկացրել է նոյեմբերի 22-ին՝ խեղդող հնարքով հաղթելով նորզելանդացի Դեն Հուկերին։ Հայ մարտիկը խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն։
