22.02.2026 | 00:10
Արթուր Ավետիսյանը՝ աշխարհի գավաթի հաղթող, Մամիկոն Խաչատրյանը՝ արծաթե մեդալակիր
Թրամփի սպառնալիքն Իրանի իշխանությունը լուրջ է ընկալել․ ԱՄՆ-ն կարող է միջամտել, եթե կոշտ վարվեն ցուցարարների հետ․ Արմեն Պետրոսյան. ՏԵՍԱՆՅՈՒԹ
Քաղաքականություն
07.01.2026 | 20:30
Արևելագետ, տարածաշրջանային հարցերով փորձագետ Արմեն Պետրոսյանը Factor TV-ի եթերում անդրադարձել է Իրանում տեղի ունեցող բողոքի ցույցերին, իշխանության կայունությանը, ինչպես նաև՝ ԱՄՆ-ի և Իսրայելի կողմից ճնշումներին։ Փորձագետը վերլուծել է նաև Ադրբեջանի նախագահի վերջին հայտարարությունները և հայ-ադրբեջանական գործընթացի վրա արտաքին ազդակների ազդեցությունը։
Արմեն Պետրոսյանը նշում է․ «Իրանում ներքին հերթական ներքաղաքական ճգնաժամն է՝ այս դեպքում տնտեսական պատճառներով պայմանավորված։ Տնտեսական խնդիրներով պայմանավորված խնդիրները և նման ժամանակահատվածները Իրանի ժամանակակից պատմության ընթացքում պայմանավորված են եղել հատկապես պատժամիջոցներից բխող տնտեսական խնդիրներով, քաղաքական, մարդու իրավունքների հետ կապված խնդիրներով»։
Ըստ փորձագետի՝ բողոքի ցույցերը սկսվել են տարերայնորեն․ «Պարբերաբար, ինչպես սպոնտան առաջացան, այնպես էլ հետագայում արտաքին ուղորդում է եղել, վերածվել են ներքաղաքական ճգնաժամի իշխանությունների կողմից, բայց որոշակի ժամանակահատվածում կառավարելի են դարձել և հիմնականում ուժի կիրառման միջոցով դրանք ճնշվել են»։
Պետրոսյանն ընդգծում է՝ Իրանի իշխանությունները բավականաչափ թուլացած են։ Նա նաև փաստում է այլընտրանքի բացակայությունը․ «Իշխանական համակարգին այլընտրանք ընդդիմադիր համակարգ չկա։ Ո՛չ քաղաքական առումով, ո՛չ քաղաքացիական հասարակության առումով»։
Խոսելով արտաքին մարտահրավերների մասին՝ արևելագետը նկատում է․ «Միջազգային հարաբերությունները գտնվում են ճգնաժամում, ընդ որում՝ դա բնավ էլ Միացյալ Նահանգների գործողություններով չի սկսվել։ Դա 2022 թվականից հետո Ռուսաստանի կողմից Ուկրաինայի դեմ իրականացված այդ հարձակումից հետո միջազգային իրավունքի ճգնաժամի հետևանք է»։
Պետրոսյանի խոսքով՝ Իրանը դարձել է հիմնական թիրախ․ «Իրանը այն երկրներից մեկն է, որը այս ճգնաժամից ամենաշատն է տուժել։ Որովհետև ուկրաինական պատերազմին զուգահեռ մենք տեսանք՝ ընդամենը մեկ տարի հետո մերձավորարևելյան ռեգիոնում լայնածավալ ռազմական գործողություններ սկսվեցին՝ ուղղված Իսրայելի կողմից»։
Իսրայելի գործողությունների համատեքստում նա նշում է․ «Իսրայելը կարողացավ փաստացի էականորեն նվազեցնել Իրանի ազդեցությունն ամբողջ տարածաշրջանում և թուլացնել վարչակարգի դիրքերը»։ Ըստ նրա՝ Իրանում շատ լավ հասկանում են, հաշվի առնելով նաև Իսրայելում իշխող Նեթանյահուի կառավարության անկանխատեսելիությունը, որ ցանկացած պահ, առիթ օգտագործվելու է Իրանի դեմ հերթական մեծ, մասշտաբային հարձակում իրականացնելու։
Հարցազրույցն ամբողջությամբ՝ տեսանյութում։
Ռոբերտ Անանյան
