16.11.2024 | 14:36
ԿԲ նախագահը Silicon Mountains գագաթաժողովում խոսել է ֆինանսական ոլորտում արհեստական բանականության կիրառումից
Վիգեն Սարգսյանը ռեյտինգայինով առաջադրվելու է Արաբկիրում. Արփինե Հովհաննիսյանը ռեյտինգայինից խուսափու՞մ է
07.11.2018 | 13:50
ՀՀԿ-ում արդեն պաշտոնապես որոշել են, որ մասնակցելու են արտահերթ խորհրդարանական ընտրություններին եւ նոյեմբերի 11-ին կայանալիք համաժողովի ընթացքում մասնակցության վերջին շտրիխներն են քննարկելու: ՀՀԿ ցուցկի առաջին հնգյակի անուններն արդեն հրապարակել ենք։
Factor.am-ին հայտնի դարձավ, որ ՀՀԿ համամասնական ցուցակը գլխավորող Վիգեն Սարգսյանը ռեյտինգային ընտրակարգով առաջադրվելու է Երեւանի թիվ 2 ընտրատարածքից, որը ներառում է Արաբկիր, Դավիթաշեն եւ Աջափնյակ վարչական շրջանները:
Այս նույն տարածքից է առաջադրվելու նաեւ Մարգարիտ Եսայանը:
ՀՀԿ փոխնախագահ Արմեն Աշոտյանն առաջադրվելու է թիվ 4 ընտրատարածքից, որը ներառում է Կենտրոն, Էրեբունի, Նորք Մարաշ եւ Նուբարաշեն վարչական շրջանները:
Լոռու մարզից՝ թիվ 9 ընտրատարածքից, առաջադրվելու են Էդուարդ Շարմազանովը եւ Վահրամ Բաղդասարյանը:
Նրանցից յուրաքանչյուրը փորձելու է իր հարազատ քաղաքում՝ Վանաձորում եւ Ալավերդիում վստահության քվե շահել: Ուշագրավն այն է, որ ռեյտինգային ընտրակարգով առաջադրվելուց կտրականապես հրաժարվել են Արփինե Հովհաննիսյանը եւ Դավիթ Հարությունյանը:
Այս տեղեկությունները ՀՀԿ գրասենյակից չեն մեկնաբանում, առաջարկում են սպասել նոյեմբերի 11-ին կայանալիք ՀՀԿ համաժողովին:
Հայկ Վարդանյան
