29.06.2026 | 23:29
Ալեն Սիմոնյանը պարգևատրել է պետական պահպանության ծառայության աշխատողներին
Ուկրաինական ԱԹՍ-ն հարձակվել է ՌԴ Բելգորոդի մարզի նավթաբազայի վրա
Քաղաքականություն
07.01.2026 | 14:21
ՌԴ Բելգորոդի մարզի նահանգապետ Վյաչեսլավ Գլադկովը հաստատել է Ստարի Օսկոլի շրջանում գտնվող նավթաբազայի վրա ուկրաինական հարձակումը։ Նրա խոսքով՝ ուկրաինական բանակն անօդաչու թռչող սարքով հարվածել է նավթաբազային, փոխանցում է Current time-ը։
«Պայթյունի հետևանքով տարածքում գտնվող մի քանի պահուստարաններ հրդեհվել են։ Հրշեջները մարում են կրակը»,- գրել է նա։
Միաժամանակ, Ուկրաինայի զինված ուժերի անօդաչու համակարգերի ուժերի հրամանատար Ռոբերտ Բրովդին հայտնել է, որ անօդաչու թռչող սարքերը հարվածել են Բելգորոդի մարզի Ստարի Օսկոլի Վիպոլզովոյի նավթաբազային։ Այս մասին նշվում է նրա գրառման մեջ, որտեղ թվարկված են Ռուսաստանում և նրա կողմից օկուպացված տարածքներում գտնվող թիրախներին ուղղված այլ հարվածները։
Բացի այդ, Գլադկովը սոցիալական ցանցերում գրել է, որ Գրուզսկոյե գյուղում տղամարդ է զոհվել։ Նա պնդել է, որ նա մահացել է ուկրաինական անօդաչուի պայթյունի հետևանքով։
Թարգմանությունը՝ Էմմա Չոբանյանի
