28.04.2026 | 15:37
Ժամանակավորապես կարգելվի Հանրապետության հրապարակի շրջանաձև երթևեկությունը
Ռուսական զորքերը հարվածել են Դնեպրին․ վիրավորվել է 7 մարդ, այդ թվում՝ 2 երեխա
Քաղաքականություն
07.01.2026 | 12:37
Ռուսական զորքերը հունվարի լույս 7-ի գիշերը հարվածել են ուկրաինական Դնեպրին, որի հետևանքով վիրավորվել է 7 մարդ, այդ թվում՝ 2 երեխա։ Այս մասին հայտնել է տարածաշրջանային ռազմական վարչակազմի ղեկավարի պաշտոնակատար Վլադիսլավ Գայվանենկոն, գրում է Current time-ը:
Քաղաքապետ Բորիս Ֆիլատովի խոսքով՝ վիրավորներից մի քանիսը բեկորային վնասվածքներ ունեն։
Ավելի քան 10 բազմահարկ շենքերում կոտրվել են պատուհաններ, մեկ շենքի ջեռուցման համակարգերն են վնասվել։ Բացի այդ, վնասվել են արհեստանոց և ուսանողական հանրակացարան, երկու մանկապարտեզ, մեկ դպրոց և մեքենաներ։ Սինելնիկի շրջանի Վասիլկովսկա համայնքում այրվել է մասնավոր տուն։
Հունվարի լույս 7-ի գիշերը Ռուսաստանն Ուկրաինային հարվածել է մեկ «Իսկանդեր-Մ» բալիստիկ հրթիռով և 95 անօդաչու թռչող սարքով։ Ժամը 7:30-ի դրությամբ՝ ՀՕՊ ուժերը խոցել են մեկ հրթիռ և 81 անօդաչու թռչող սարք։ Տասնչորս հարվածային անօդաչուների հարձակում է գրանցվել ութ վայրերում, ասվում է Ուկրաինայի ռազմաօդային ուժերի հրամանատարության հայտարարության մեջ։
Թարգմանությունը՝ Էմմա Չոբանյանի
