Կիևի դաշնակիցները ստորագրել են Ուկրաինային անվտանգության երաշխիքների տրամադրման մասին հռչակագիրը

Լուրեր

21.11.2026 | 13:33
ՀՀ-ԵՄ վիզաների ազատականացման գործընթացն ու սահմանների կառավարման բարեփոխումները քննարկվել են ICMPD-ի փոխտնօրենի հետ
21.11.2026 | 13:06
Բուխարեստի ֆորումում քննարկվել են TRIPP-ն ու Հայաստանի առևտրի դիվերսիֆիկացման հնարավորությունները
21.11.2026 | 12:34
Աբովյանի համայնքային սեփականությանն է վերադարձվել 33 քմ հողատարածք
21.11.2026 | 12:16
NYMEX. Թանկարժեք մետաղների գները նվազել են
21.11.2026 | 11:55
Նարեկ Մկրտչյանը հանդիպել է ԱՄՆ Կոնգրեսի Ներկայացուցիչների պալատի երեք անդամների հետ
21.11.2026 | 11:42
Total Chess. Հայկ Մարտիրոսյանը հաղթել է վերջին խաղային օրը
21.11.2026 | 11:33
Նավթի գները նվազել են
21.11.2026 | 11:11
Արտարժույթների փոխարժեքները՝ նոյեմբերի 21-ի դրությամբ
21.11.2026 | 10:50
Նարեկ Մկրտչյանը մասնակցել է Մելանիա Թրամփի վավերագրական շարքի համաշխարհային պրեմիերային
21.11.2026 | 10:25
Ամփոփիչ մրցաշարում հայտնի են կիսաեզրափակիչի զույգերը. ՏԵՍԱՆՅՈՒԹ
21.11.2026 | 10:15
ՀՀ տարածքում ավտոճանապարհները հիմնականում անցանելի են
21.11.2026 | 09:30
Դավիթ Սիմոնյանը հաղթել է նոկաուտով ու մեդալ ապահովել Մ-23 ԵԱ-ում. ՏԵՍԱՆՅՈՒԹ
21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
20.11.2026 | 23:13
Հայաստանն ու Ալբանիան քննարկվել են տնտեսական համագործակցության խորացման հեռանկարները
Բոլորը

«Կամավորների կոալիցիայի» երկրները Ուկրաինայի անվտանգության երաշխիքների մասին հռչակագիր են ստորագրել , գրում է DW-ի ռուսական ծառայությունը:

«Այսօր մենք զգալի առաջընթացի ենք հասել, որն արտացոլվել է Փարիզի հռչակագրում, այն  հուսալի երաշխիքներ է տրամադրում երկարատև խաղաղության համար: «Կամավորների կոալիցիայի» այս հայտարարությունն առաջին անգամ ճանաչում է կոալիցիան կազմող 35 երկրների, ինչպես նաև Ուկրաինայի և Միացյալ Նահանգների միջև արագ մերձեցումը: Մենք խոսում ենք հուսալի անվտանգության երաշխիքների մասին», – երեքշաբթի օրը Փարիզում ԱՄՆ ներկայացուցիչների հետ հանդիպումից հետո ասել է Ֆրանսիայի նախագահ Էմանուել Մակրոնը։

Նա առանձին-առանձին թվարկել է համաձայնեցված կետերը։ Դրանք ներառում են ԱՄՆ-ի գլխավորությամբ հրադադարի մոնիթորինգ, Ուկրաինային պաշտպանության համար զենքի երկարաժամկետ մատակարարում և Ռուսաստանի կողմից ապագա հարձակման դեպքում երկրին աջակցելու համար պարտավորեցնող համաձայնագրերի ընդունման ուղղությամբ աշխատանքներ։

Բացի այդ՝ Կիևը, Փարիզը և Լոնդոնը ստորագրել են մտադրությունների հռչակագիր, որը, ըստ Մեծ Բրիտանիայի վարչապետ Քիր  Սթարմերի, «ստեղծում է իրավական հիմք» հրադադարից հետո Ուկրաինայում բրիտանական, ֆրանսիական և այլ «գործընկեր» զորքերի տեղակայման համար։

«Սա մեր անսասան հանձնառության կարևոր մասն է երկարաժամկետ հեռանկարում Ուկրաինային աջակցելու համար», – Սթարմերի գրասենյակը մեջբերել է նրա խոսքերը: Նա նաև հայտարարել է, որ Մեծ Բրիտանիան և Ֆրանսիան հրադադարի սկսվելուց հետո ամբողջ Ուկրաինայում կստեղծեն «ռազմական կենտրոններ» և «կկառուցեն զենքի և ռազմական տեխնիկայի պահպանման անվտանգ օբյեկտներ»։

Խոսելով Գերմանիայի մասնակցության մասին՝ Գերմանիայի կանցլեր Ֆրիդրիխ Մերցը հայտարարել է, որ երկիրն, օրինակ, կարող է իր զորքերը տեղակայել Ուկրաինայի հարևան ՆԱՏՕ-ի անդամ երկրի տարածքում: Այդպիսի երկրների թվում են Լեհաստանը, Ռումինիան, Հունգարիան և Սլովակիան: «Ես ուզում եմ իմ և դաշնային կառավարության անունից ասել՝ սկզբունքորեն մենք ոչինչ չենք բացառում», – Մերցի խոսքերն է մեջբերել dpa լրատվական գործակալությունը:

Ուկրաինայի նախագահ Վլադիմիր Զելենսկին Ֆրանսիայի և Մեծ Բրիտանիայի հետ կնքված համաձայնագիրն անվանել է «շատ կոնկրետ»։ Նա նշել է, որ ուկրաինական կողմն արդեն իսկ բավարար տեղեկատվություն ունի և գիտի, թե որ երկրներն են մասնակցելու համաձայնագրին և ինչ ներդրում կունենա յուրաքանչյուրը։

Միևնույն ժամանակ, Զելենսկին նշել է, որ մի շարք հարցեր մնում են չլուծված, մասնավորապես՝ տարածքային։

ԱՄՆ-ն «կամավորների կոալիցիայի» հանդիպմանը ներկայացրել են նախագահի հատուկ դեսպան Սթիվեն Ուիթկոֆը և նախագահի խորհրդական Ջարեդ Քուշները: Հանդիպումից հետո Ուիթկոֆը հայտարարել է, որ «նշանակալի առաջընթաց» է գրանցվել մի քանի ճակատներում, այդ թվում՝ անվտանգության երաշխիքների նախագծի և Ուկրաինայի վերակառուցման ծրագրի հարցում։

«Մենք համաձայն ենք կոալիցիայի  հետ այն մասով, որ Ուկրաինայում երկարատև խաղաղության համար անհրաժեշտ են անվտանգության ամուր երաշխիքներ և տնտեսական բարգավաճման հուսալի  պարտավորություններ, և մենք կշարունակենք համատեղ աշխատել դրան հասնելու համար», – գրել է Ուիթկոֆը X սոցիալական ցանցի իր էջում:

 

Թարգմանությունը՝ Էմմա Չոբանյանի