04.04.2026 | 20:03
ՃՏՊ՝ հրդեհի բռնկմամբ
Տվերում ԱԹՍ-ի բեկորը հարվածել է բազմահարկ շենքի. մեկ մարդ զոհվել է, երկուսը՝ վիրավորվել
Քաղաքականություն
06.01.2026 | 13:15
Տվերում խոցված անօդաչու թռչող սարքի բեկորը հարվածել է բազմաբնակարան շենքի իններորդ հարկի բնակարանի պատուհաններին։
Բնակարանում հրդեհ է բռնկվել։ Տվերի մարզի նահանգապետի պաշտոնակատար Վիտալի Կորոլյովի խոսքով՝ մեկ մարդ զոհվել է, ևս երկուսը՝ վիրավորվել, գրում է Meduza-ն։
Բրյանսկի մարզում Պոդլեսնիե Նովոսյոլկի գյուղում անօդաչու թռչող սարքի հարվածից երկու մեքենա է վնասվել, վարորդները վիրավորվել են։
Վորոնեժի մարզում խոցված անօդաչու թռչող սարքը վնասել է երկաթուղային գծերը՝ պատճառ դաառնաալով գնացքների ուշացումների։ Իսկ Լիպեցկի մարզի Ուսմանսկի շրջանում ԱԹՍ-ները հարվաածել են արդյունաբերական օբյեկտի, ինչի հետևանքով հրդեհ է բռնկվել։
Ստերլիտամակի, Յարոսլավլի և Պենզայի բնակիչները նույնպես հայտնել են պայթյունների մասին (ըստ Astra-ի՝ Պենզայում հարձակվել են ավտոտրանսպորտային ընկերության վրա):
ՌԴ ՊՆ տվյալներով՝ հունվարի 6-ի գիշերը Ռուսաստանի տարածքում որսացվել և ոչնչացվել է ուկրաինական 129 անօդաչու թռչող սարք։ Դրանցից ամենաշատը Բրյանսկի (29), Բելգորոդի (13) և Յարոսլավլի (13) մարզերի վրա։
Թարգմանությունը` Էմմա Չոբանյանի
