02.07.2026 | 22:50
Հաստատվել է ՀՀ 2027-2029 թթ. պետական միջնաժամկետ ծախսերի ծրագիրը
Մադուրոյի ձերբակալման ժամանակ սպանվել է Վենեսուելայի նախագահի անվտանգությունն ապահովող 32 կուբացի. ԶԼՄ
Քաղաքականություն
05.01.2026 | 19:33
Կուբայի կառավարությունը հայտարարել է, որ Վենեսուելայի նախագահ Նիկոլաս Մադուրոյի ձերբակալման ուղղությամբ ԱՄՆ իրականացրած գործողության ընթացքում զոհվել է 32 Կուբայի քաղաքացի։ Ըստ Հավանայի՝ զոհվածները Կուբայի զինված ուժերի և հատուկ ծառայությունների անդամներ էին։ Երկրում հայտարարվել է երկօրյա ազգային սուգ։
Կուբայի պաշտոնական Cubadebate պարբերականի փոխանցմամբ՝ նրանք զոհվել են ԱՄՆ կառավարության կողմից Վենեսուելայի դեմ իրականացված «հանցավոր հարձակման» ընթացքում՝ ուղիղ բախումների կամ ռմբակոծությունների հետևանքով։ Կուբայի ղեկավար Միգել Դիաս-Կանելը նշել է, որ կուբացի զինվորականները Վենեսուելայի խնդրանքով ապահովում էին Մադուրոյի և նրա ընտանիքի պաշտպանությունը։
Վենեսուելայի իշխանությունները դեռ չեն հաստատել զոհերի ճշգրիտ թիվը։ Մինչդեռ տեղական ԶԼՄ-ները հաղորդում են առնվազն 25 զոհի մասին, իսկ New York Times-ը, հղում անելով աղբյուրներին, նշում է, որ զոհերի թիվը կարող է հասնել 80-ի։
Հիշեցնենք՝ հունվարի 3-ին, ԱՄՆ-ն ռազմական գործողություն է իրականացրել Վենեսուելայի դեմ։ ԱՄՆ-ն հարվածներ է հասցրել Վենեսուելայում գտնվող օբյեկտներին, երկրից դուրս է բերել նախագահ Նիկոլաս Մադուրոյին: Ամերիկյան կողմի տվյալներով՝ Մադուրոյին և նրա կնոջը Նյու Յորքում մեղադրանք է առաջադրվել «թմրահաբեկչության», կոկաինի մաքսանենգության և զենք պահելու համար:
