19.05.2026 | 23:24
Արփինե Սարգսյանը և ԱՄՆ ժամանակավոր հավատարմատարը քննարկել են կիբեռլաբորատորիայի ստեղծումն ու համագործակցության ընդլայնումը
Մադուրոն ԱՄՆ-ում կարող է դատապարտվել մահապատժի. New York Post
Քաղաքականություն
05.01.2026 | 19:04
ԱՄՆ-ում Վենեսուելայի նախագահ Նիկոլաս Մադուրոն կարող է ենթարկվել մահապատժի, եթե դատարանը նրան մեղավոր ճանաչի ներկայացված չորս մեղադրանքներով։ Այս մասին հայտնում է պահպանողական ուղղվածություն ունեցող New York Post պարբերականը։
Պարբերականի տվյալներով՝ Մադուրոն մեղադրվում է վերահսկվող նյութերի մասին օրենքի խախտման մեջ՝ «շարունակվող հանցավոր գործունեության» շրջանակում։ Միաժամանակ նշվում է, որ թմրանյութերի հետ կապված հանցագործությունների համար մահապատժի դատավճիռներ ԱՄՆ-ում հազվադեպ են կայացվում, և նման վճիռների մեծ մասը կապված է սպանությունների հետ։
Ավելի վաղ ԱՄՆ գլխավոր դատախազ Փեմ Բոնդին հայտարարել էր, որ Նիկոլաս Մադուրոն և նրա կինը «շուտով կհանդիպեն ամերիկյան արդարադատության ամբողջ ուժին՝ ամերիկյան հողի վրա, ամերիկյան դատարաններում»։
Հիշեցնենք՝ հունվարի 3-ին ԱՄՆ-ն ռազմական գործողություն է իրականացրել Վենեսուելայի դեմ։ ԱՄՆ-ն հարվածներ է հասցրել Վենեսուելայում գտնվող օբյեկտներին, երկրից դուրս է բերել նախագահ Նիկոլաս Մադուրոյին: Ամերիկյան կողմի տվյալներով՝ Մադուրոյին և նրա կնոջը Նյու Յորքում մեղադրանք է առաջադրվել «թմրահաբեկչության», կոկաինի մաքսանենգության և զենք պահելու համար:
