21.02.2026 | 23:53
11-ակի օլիմպիական չեմպիոն դարձած Յոհանես Կլեբոյի պատմական հաղթանակը․ ՏԵՍԱՆՅՈՒԹ
Մադուրոյին կնոջ հետ ուղղաթիռով Նյու Յորքի դատարան են տարել
Քաղաքականություն
05.01.2026 | 18:24
Վենեսուելայի նախագահ Նիկոլաս Մադուրոյին և նրա կնոջը, որոնց ԱՄՆ հատուկ գործողության ժամանակ դուրս էին բերել երկրից, Բրուքլինի քրեակատարողական ծառայությունից ուղղաթիռով տեղափոխել են Մանհեթեն՝ դատարան։ Այստեղ այսօր տեղի են ունենալու առաջին դատալսումները, գրում է BBC-ի ռուսական ծառայությունը։
Հաղորդվում է, որ Մադուրոյին և կնոջը դատարան են տեղափոխել ձեռնաշղթաներով։ Նրանց ուղեկցել են Թմրանյութերի դեմ պայքարի վարչության (DEA) գործակալները։ Դատարանում նրանց համար կընթերցեն ներկայացված մեղադրանքների ամբողջ ցանկը։
Այսօր ավելի վաղ հաղորդվել էր, որ Նիկոլաս Մադուրոն Նյու Յորքի դատարանի առջև կկանգնի։
Մինչ այդ, ԱՄՆ նախագահ Դոնալդ Թրամփը լրագրողներին ասել է, որ կարող է նոր հարված հասցնելու հրաման տալ, եթե Վենեսուելան չհամագործակցի Միացյալ Նահանգների հետ։ Թրամփը նաև սպառնացել է ռազմական գործողություններ սկսել Կոլումբիայում և Մեքսիկայում՝ հայտարարելով, որ Կուբայի կոմունիստական ռեժիմը, «կարծես, պատրաստ է անկման»։
«The Atlantic»-ին տված հարցազրույցում էլ ԱՄՆ նախագահը սպառնացել է Վենեսուելայի նախագահի պաշտոնակատար Դելսի Ռոդրիգեսին՝ նշելով, որ «եթե նա ճիշտ չվարվի, շատ բարձր գին կվճարի, հավանաբար, ավելի բարձր, քան Մադուրոն»։
