06.10.2026 | 17:54
Վահագն Խաչատուրյանն ու Գերմանիայի դեսպանը քննարկել են երկկողմ հարաբերությունների զարգացումը
Այաթոլլահ Խամենեին պլանավորում է փախչել Մոսկվա․ The Times
Քաղաքականություն
05.01.2026 | 12:47
Այաթոլլահ Խամենեին պլանավորում է փախչել Մոսկվա․ հաղորդում է The Times-ը՝ հղում անելով հետախուզական զեկույցին:
Զեկույցը ենթադրում է, որ եթե իր ուժերը չկարողանան ճնշել այլախոհությունը, ապա այաթոլլահ Ալի Խամենեին կարող է միանալ Սիրիայի տապալված առաջնորդ Բաշար ալ-Ասադին Ռուսաստանի մայրաքաղաքում։
Թերթը հաղորդում է, որ 86-ամյա Խամենեին նախատեսում է լքել Թեհրանը՝ իր 20 օգնականների և ընտանիքի անդամների ուղեկցությամբ, եթե տեսնի, որ բանակը և անվտանգության ուժերը դասալքում են ու անցնում են ցուցարարների կողմը։
«Բ պլանը» նախատեսված է Խամենեիի և նրա մերձավոր շրջապատի, այդ թվում՝ նրա որդու և ժառանգորդ Մոջթաբայի համար», – թերթին ասել է հետախուզական աղբյուրը։
Հիշեցնենք, որ դեկտեմբերի վերջին Իրանում բողոքի ցույցեր էին սկսվել իրանական ռիալի արժեզրկման ֆոնին։ Ակցիաների հիմնական պատճառը փոխարժեքի կտրուկ տատանումներն ու դրանց ազդեցությունն են գների վրա։
ԱՄՆ նախագահ Դոնալդ Թրամփը հայտարարել էր, որ եթե Իրանը կրակ բացի և դաժանորեն սպանի խաղաղ ցուցարարներին, ապա ԱՄՆ-ը օգնության կհասնի։
Իսկ Իրանի արտաքին գործերի նախարար Աբբաս Արաղչին վտանգավոր էր համարել իրանցի ցուցարարներին օգնելու մասին Թրամփի հայտարարությունը։
Իրանի արտգործնախարարը վտանգավոր է համարել Թրամփի հայտարարությունը իրանցի ցուցարարներին օգնելու մասին
Թարգմանությունը՝ Անահիտ Խաչատրյանի
