18.08.2026 | 22:17
Հայաստանի մի շարք հասցեներում էլեկտրաէներգիայի անջատումներ կլինեն
Զելենսկին ու Մեդվեդևը Մադուրոյին գերեվարելուց հետո ԱՄՆ-ի ուշադրությունը փոխադարձաբար հրավիրել են Ուկրաինայի ու Ռուսաստանի ղեկավարների վրա
Քաղաքականություն
05.01.2026 | 11:24
Ուկրաինայի նախագահ Վլադիմիր Զելենսկին մեկնաբանել է Վենեսուելայում ԱՄՆ-ի ռազմական գործողությունը, որի հետևանքով գերի են վերցվել և արտաքսվել նախագահ Նիկոլաս Մադուրոն և նրա կինը՝ Սիլիա Ֆլորեսը․ գրում է meduza.io-ն։
«Դե, ի՞նչ կարող եմ ասել։ Եթե բռնապետերի հետ կարելի է այսպես վարվել, ապա Ամերիկայի Միացյալ Նահանգները գիտի ինչ անել հաջորդիվ», – հեգնանքով ասել է նա մամուլի ասուլիսի ժամանակ։
Զելենսկին չի նշել, թե ում է նկատի ունեցել, սակայն ուկրաինական լրատվամիջոցները եզրակացրել են, որ նա ակնարկել է ՌԴ նախագահ Վլադիմիր Պուտինին։
Զելենսկու այս հայտարարությանը պատասխանել է Ռուսաստանի Անվտանգության խորհրդի փոխնախագահ Դմիտրի Մեդվեդևը՝ նշելով, որ Վաշինգտոնը կարող է կրկնել Կիևում այն գործողությունը, որն արդեն փորձել է Կարակասում, իսկ «Ուկրաինայի դեպքում դրա համար հիմքերը շատ ավելի մեծ կլինեն»․ գրում է ՏԱՍՍ-ը։
Հիշեցնենք, որ հունվարի 3-ին ԱՄՆ նախագահ Թրամփը հայտարարել էր, որ Վենեսուելայի նախագահ Նիկոլաս Մադուրոն և նրա կինը «գերեվարվել ու արտաքսվել են երկրից»՝ հաստատելով, որ ԱՄՆ ուժերը «լայնածավալ հարված» են հասցրել Կարակասին
Թարգմանությունը՝ Անահիտ Խաչատրյանի
