Մենք խաղաղություն ենք կառուցում ոչ միայն Հայաստանի կառավարության, այլև հայ ժողովրդի հետ. Հաջիև

ԱՄՆ նախագահ Դոնալդ Թրամփի վարչակազմը ցույց է տվել իր հավատարմությունը Ադրբեջանի խաղաղության օրակարգին։ Ադրբեջանական լրատվամիջոցների հաղորդմամբ` The Washington Times-ին ասել է Ադրբեջանի նախագահի օգնական և նախագահի վարչակազմի արտաքին քաղաքականության բաժնի ղեկավար Հիքմեթ Հաջիևը։

Հոդվածում, որը լուսաբանում է Ադրբեջանի և Հայաստանի միջև խաղաղության հաստատման գործընթացը, ԱՄՆ Կոնգրեսում 907-րդ փոփոխման չեղարկմանն ուղղված քայլերը, պաշտոնական Բաքվի հարաբերությունները Մոսկվայի հետ և Ադրբեջանի կապերը Իսրայելի հետ, մեջբերվում է Հաջիևի խոսքերը, որը նշում է, որ ԱՄՆ նախագահի անհապաղ արձագանքը խաղաղության օրակարգին արժանի է բարձր գնահատականի։

Հաջիևը ընդգծել է, թե իբր 907-րդ բաժնի գոյությունն ինքնին խոչընդոտում է խաղաղությանը.

«Երկու երկրներն էլ՝ Ադրբեջանը և Հայաստանը, ինտենսիվ աշխատում են խաղաղությունն ամրապնդելու ուղղությամբ: Այնուամենայնիվ, Կոնգրեսում որոշ մարդիկ ներկայացնում են բացարձակապես ոչ անհրաժեշտ օրենսդրական ակտեր, որը խտրականություն է սերմանում», – նշել է Հաջիևը:

Նա նաև հայտարարել է, որ Բայդեն-Բլինքենի վարչակազմը վնասել է Ադրբեջանի և Միացյալ Նահանգների միջև հարաբերություններին։

Հաջիևը ասել է,որ Դոնալդ Թրամփի նախագահության օրոք ջերմացած ԱՄՆ-Ադրբեջան հարաբերությունները կտրուկ հակադրվում են նախորդ վարչակազմի մոտեցմանը։

Ադրբեջանի կողմից Հայաստանի հետ տնտեսական հարաբերություններ հաստատելու փորձերի վերաբերյալ Հաջիևը նշել է նավթամթերքի արտահանումը և հացահատիկի Հայաստան տարանցման համար ստեղծված պայմանները։

«Դա կարող է խորհրդանշական թվալ, բայց խորհրդանշականից այն կողմ կան իսկապես կարևոր աշխարհաքաղաքական նրբերանգներ։ Մենք խաղաղություն ենք կառուցում ոչ միայն Հայաստանի կառավարության, այլև հայ ժողովրդի հետ», – հայտարարել է Հաջիևը`հավելելով.

«Մենք ունենք ավելի ուժեղ հանձնառություն մեր խաղաղության օրակարգին և ունենք Թրամփի վարչակազմի լիակատար աջակցությունը»։

Թարգմանությունը` Էմմա Չոբանյանի