16.12.2025 | 12:03
37-ամյա տղամարդը դանակահարել է հորն ու մորը․ ծնողները մահացել են, որդին ձերբակալվել է
Ֆելիքս Ցոլակյանը խնդիրներ է տեսնում հակակարկտային հրթիռային կայանների օգտագործման հետ կապված
06.11.2018 | 22:20
ՀՀ արտակարգ իրավիճակների նախարարությունը Հայաստանում հակակարկտային հրթիռային կայանների վերակատարելագործման խնդիր է դնելու: «Արմենպրես»-ի հաղորդմամբ՝ այս մասին լրագրողների հետ զրույցում ասաց ՀՀ արտակարգ իրավիճակների նախարարի պաշտոնակատար Ֆելիքս Ցոլակյանը՝ անդրադառնալով հակակարկտային հրթիռային կայաններում առաջացած թերությունների ու հետագա շահագործման հարցերին:
«Հակակարկտային հրթիռային կայանների հարցը վերջնական որոշված չէ, քննարկման փուլում է: Մենք ունենք նախկին փորձը, հավանաբար վերակատարելագործման խնդիրն ենք դնելու։ Խնդիր կա դրանց օգտագործման հետ կապված»,-ասաց Ցոլակյանը:
Հարցին, թե արդյոք դրանք անորակ ե՞ն, Ցոլակյանը պատասխանեց՝ ոչ, պարզապես սխալ օգտագործման հետ կապված խնդիր է եղել: Կրակելու համար ճիշտ նյութեր չեն օգտագործվել: «Դրա հետ կապված խնդիրներ ունենք, պետք է պարզենք: Կա նաև կատարելագործելու, ավտոմատացման խնդիր, որ ամեն մեկը դա չանի, այլ սարքն ինքուրույն կառավարվի»,-եզրափակեց նախարարի պաշտոնակատարը:
