31.12.2025 | 00:45
Արման Ծառուկյանի ու Շառա Բուլետի երևանյան մենամարտում հաղթող չեղավ. ՏԵՍԱՆՅՈՒԹ
Առաջիկա օրերին որոշ շրջաններում հնարավոր են ամսական նորմայի չափ տեղումներ. Ազիզյան
30.12.2025 | 22:06
Եղանակի կանխատեսման թվային մոդելների կանխատեսումների համաձայն՝ դեկտեմբերի 31-ից հունվարի 3-ը ընկած ժամանակահատվածում հանրապետության առանձին հատվածներում հնարավոր են ամսական նորմայի չափ տեղումներ։ Այս մասին հայտնում է Հիդրոօդերևութաբանության և մոնիթորինգի կենտրոնի տնօրեն Լևոն Ազիզյանը։
Ինչպես ավելի վաղ տեղեկացրել էինք, Երևանում դեկտեմբերի 31-ի գիշերը, ինչպես նաև հունվարի 3-4-ին սպասվում է առանց տեղումների եղանակ։ Դեկտեմբերի 31-ի ցերեկը և հունվարի 1-2-ին սպասվում է ձյուն։
Հանրապետությունում դեկտեմբերի 31-ի գիշերը, հունվարի 3-4-ին տեղումներ չեն սպասվում։ Դեկտեմբերի 31-ի ցերեկը և հունվարի 1-2-ին շրջանների զգալի մասում սպասվում է ձյուն, լեռնային մարզերում՝ բուք և տեսանելիության նվազում։ Դեկտեմբերի 30-ի լույս 31-ի գիշերը և առավոտյան ժամերին բոլոր ավտոճանապարհներին սպասվում է մերկասառույց։
