30.10.2026 | 17:45
Արծվիկ Մինասյանը՝ ԵՊՀ-ում աշխատող եղբոր մասին, որը կաշառքի գործով է անցնում․ ՏԵՍԱՆՅՈՒԹ
Արման Ծառուկյանի ու Շառա Բուլետի երևանյան մենամարտում հաղթող չեղավ. ՏԵՍԱՆՅՈՒԹ
31.12.2025 | 00:45
UFC-ի թեթև քաշային կարգի դասակարգման առաջատար Արման Ծառուկյանը կարիերայում առաջին մենամարտն անցկացրեց Հայաստանում։
Երևանի Կարեն Դեմիրճյանի անվան Մարզահամերգային համալիրում կայացած Hype Fighting մրցաշարի գլխավոր մենամարտում Ծառուկյանը մրցեց UFC-ի մարտիկ Շառա Բուլետի (Շարաբուտդին Մագոմեդով) հետ։ Գրանցվեց ոչ-ոքի։
Մարտիկները մրցեցին գրեփլինգի կանոններով (առանց հարվածների)՝ 84 կգ քաշային կարգում։ Անցկացվեց 1 ռաունդ՝ 6 րոպե տևողությամբ։ Ծառուկյանը մի քանի անգամ գցեց Բուլետին, սակայն չհաջողվեց ստիպել մրցակցին հանձնվել։ Մարզահամերգային համալիրի տրիբունաները լեփ-լեցուն էին, ներկա էր շուրջ 8000 երկրպագու։
Մենամարտից հետո Արման Ծառուկյանը Երևանում բնակարան նվեր ստացավ։
Hype Fighting մրցաշարին մասնակցած մյուս բոլոր հայ մարտիկները հասան հաղթանակի։ Նրանց թվում էին Արման Ծառուկյանը (այլ մարտիկ), Արմեն Ատաևը, Վահե Սարուխանյանը, Էդգար Հովհաննիսյանը, Ռոման Քալաշյանը, Գենադի Մակարյանը, Դավիթ Խաչատրյանը և Լենդրուշ Հակոբյանը։
Մենամարտի նախօրեին 29-ամյա Ծառուկյանը խոստացել էր, որ պարտվելու դեպքում Շառա Բուլետին բնակարան կնվիրի Երևանում։ Ռուսաստանցի մարտիկն էլ նշել էր, որ եթե պարտվի, իր ձեռքի ժամացույցը կնվիրի մրցակցին։
UFC-ում Շառա Բուլետը հանդես է գալիս միջին քաշային կարգում և 14-րդն է դասակարգման աղյուսակում։ 31-ամյա ռուսաստանցին խառը մենամարտերում ունի 16 հաղթանակ ու 1 պարտություն։
Արման Ծառուկյանը խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն։ Հայ մարտիկը հաճախ է անցկացնում գրեփլինգի մենամարտեր, նախորդը տեղի է ունեցել դեկտեմբերի 17-ին Մոսկվայում։ Գրեփլինգի կանոններով մարտիկներին չի թույլատրվում հարվածել իրար։
