05.10.2026 | 17:22
Միրզոյանն ու Արաղչին քննարկել են Հայաստան–Իրան երկրորդ կամրջի կառուցումն ու ԹՐԻՓՓ նախագիծը
Կանանց գումարտակում․ առաջին Ամանորը՝ 19-ամյա զինծառայողի աչքերով. ՏԵՍԱՆՅՈՒԹ
Հասարակություն
31.12.2025 | 12:00
19-ամյա Անգելինա Հարությունյանը կանանց գումարտակի ամենակրտսեր պայմանագրային զինծառայողն է։ Ծառայության հանդեպ սերը ձևավորվել է դեռ վաղ տարիքից։ Պատմում է՝ բարդ, բայց նաև պարտավորեցնող ճանապարհ է։
«Երբ ես տեսնում էի զինծառայողներին ու զինվորական համազգեստ կրող յուրաքանչյուր անձի, առանձնահատուկ վուրաբերմունք էի ցուցաբերում նրանց նկատմամբ և ցանկանում էի, որ ես էլ օրերից մի օր կրեմ այդ համազգեստը»,- նշում է պայմանագրային զինծառայողը։
Անգելինան Սյունիքի մարզից է։ Երևան է եկել ուսման նպատակով․ միաժամանակ սովորում է երկու համալսարանում, ծանրաբեռնված գրաֆիկը պահանջում է կամք ու կազմակերպվածություն։ Ընդամենը 3 ամսվա ծառայությունն Անգելինային ավելի կարգապահ ու պատասախանատու է դարձրել, ասում է՝ այժմ որոշումներ կայացնելիս ավելի վստահ է ու հաստատակամ։
Ամանորի սպասումը կանանց գումարտակում չի խանգարում զինվորական կարգապահությանը․ օրը, ինչպես միշտ, սկսվել է առավոտյան տողանով, հետո՝ ֆիզիկական պատրաստություն, լսարանային դասեր։
Առաջին տարին է Անգելինան Ամանորը դիմավորում ծառայության մեջ՝ որպես պայմանագրային զինծառայող։ Ասում է՝ այս Ամանորն իր համար զարթոնքի ու վերածննդի խորհրդանիշ է։
«Որպես Զինված ուժերի զինծառայող՝ 2026 թվականին ցանկանում եմ խաղաղություն, ամենայն բարիք, և բոլորիս գործողություններն ի նպաստ լինեն Հայաստանի Հանրապետության զարգացմանն ու բարգավաճմանը։ Բոլոր զինծառայողներին, իմ ծառայակիցներին ու ընդհանրապես Հայոց բանակին մաղթում եմ ուժ, եռանդ, կամք, նաև անսահման համբերություն մեր ծառայության ու նվիրական գործի մեջ»,- ամանորյա ուղերձ է փոխանցում 19-ամյա պայմանագրայինը։
Մանրամասները՝ տեսանյութում։
Արփի Հակոբյան
