16.11.2024 | 12:34
Վահագն Խաչատուրյանը ԿԽՄԿ նախագահի հետ քննարկել է գերիներին և անհետ կորածների հարցեր
Քուրդ քաղաքական գործիչ. «Թուրք զինվորները Աֆրինից վերադարձել են ավարով»
Քաղաքականություն
06.11.2018 | 21:00
Ստամբուլում կայացած Թուրքիայի քրդամետ «Ժողովուրդների դեմոկրատական կուսակցության» (ԺԴԿ-HDP) ժողովի ընթացքում կուսակցության համանախագահներից Սեզաի Թեմելլին անդրադարձել Թուրքիայի կողմից Սիրիայի Աֆրին շրջանում տեղի քրդական ուժերի դեմ իրականացված «Ձիթենու ճյուղ» ռազմական գործողությանը:
Նա ուշագրավ հայտարարություն է արել՝ նշելով, որ սիրիական Աֆրինում ռազմական գործողություններ իրականացնելու ընթացքում թուրքական ԶՈՒ ստորաբաժանումները զբաղված են եղել նաև թալանով:
Թեմելլին պնդել է, որ թուրք զինվորները Աֆրինից վերադարձել են ավարով՝ իրենց հետ բերելով 50 հազար տոնա ձիթապտուղ:
Հիշեցնելով, որ Աֆրինի ռազմական գործողություն կրում էր «Ձիթենու ճյուղ» անվանումը հեգնանքով ասել է. «Ռազմական գործողության անունը սխալ եք դրել, ոչ թե «ձիթենու ճյուղ» այլ «ձիթենու թալան» պետք է դնեիք» :
Նա քննադատել է նաև Թուրքիայի բանակի կողմից Սիրիայի Քոբանի շրջանի ուղղությամբ իրականացվող գնդակոծությունները:
ermenihaber.am
